Home / Oondingosho Odho Onzo Onene yIiyemo yAaluudhe, NASA ta ti Oondingosho Odho Onzo Onene yIiyemo yAaluudhe, NASA ta ti
"WINDHOEK Nonando osha talika ko kutya oombashu odhi li eshundulo lyonkalathano yoshigwana kehe, oondingosho odhi li wo onzo onene yegandjo lyoompito dhiilonga kaathigo-na oshowo Aanamibia oyendji mboka ya liwa oshipungo mo-nakuziwa. Shika osha popiwa kOmupresidende goNamibia Shebeen Association (NASA), Veripi Kandenge mokugamena oombashu komaponokelo ngoka tadhi ningilwa. MOlyo-makaya, ooyene yoondingosho omathele oya ningile ehololo-madhiladhilo lyopambili taya nyanya nokwiimba yuuka kEgumbo lyEpangelo mOven-duka mpoka ya gandja omu-kanda gwomanyenyeto gawo kOminista yIinima yOpau-presidende, Dr. Albert Kawana, ngoka a taamba ko omukanda nguka peha lyOmupresidende. Ehololomadhiladhilo olya ningwa li li ompinge netokolo lyopolisi iiwike iyali ya piti okupata oombashu adhihe kaa dhi na oolisinisa moshilongo ashihe. Pauyelele waKandenge, okuza nkene Oveta yOmalovu yomumvo 2002, ya tulilwe miilonga, omuyalu goo-ndingosho moshilongo ashihe ogwa londa sigo oombashu 25 000 lwaampoka. Otaku tiwa kutya ombashu yimwe ohayi gandja iilonga kaantu yatatu, shoka tashi gandja omuyalu aguhe gwaantu haya mono uu-hupilo moombashu gu kale paantu 75 000. ""Oombashu, aalandithi yo-momapandaanda nootekisa oyi li oongeshefa awike dhoka aaluudhe ya thigala po nadho. Onkalo ndjika oya nika oshi-ponga notayi hepeke aaluudhe naathigona oya pumbwa oku-talululwa pwaa na omaonga-ongo,"" Kandenge ta ti. Aaluudhe oyendji moshi-longo ohaya hupu miiyemo hayi zi moombashu, osho a ti koshifo shika, ta gwedha po kutya aanangeshefa oyendji mbaka ohaya adhika unene momalukanda ngaashi Katu-tura. Onkalo ndjika oyi li ngeyi oshoka okukala nokandingosho pondingandinga yondoolopa oshi na ondilo. Omagumbo ogendji gaa-luudhe 25 000 ohaga hupu miiyemo hayi zi mokungeshefa koludhi nduka. ""Oombashu odho awike omukalo gumwe moka aaluudhe taya vulu ok-wiimonena oshikwiila shesiku kehe. Ohaya tumu aanona ya-wo koosikola noshimaliwa hashi zi mokulanditha oma-lovu,"" Kandenge ta ti. Omakonakono ge nasha noombashu ga ningilwe ko-NASA momumvo 1997 otaga ulike kutya omuyalu gwopokati gwaanona momagumbo oge-ndji mboka haya mono iiyemo okuza moondingosho ogu li paanona yatano konyala me-gumbo kehe. Kakele kokulanditha oma-lovu, oombashu odhi li wo omahala gombiliha gomainy-anyudho mokati kiigwana moka iiyakulitho yomainyany-udho ihayi tokwa mo. ""Oom-bashu ohadhi gandja ompito kaantu ya vule okunwa popepi nomagumbo gawo naashika ohashi kwatha mokukondjitha okuhinga omuntu e li kohi yo-ndungo. Ombiila oyo awike oshinima shoka aaluudhe haya landitha, noshimaliwa moKa-tutura ohashi monika unene okuza mokulanditha omalovu,"" omupresidende goNASA ta ti. Omanga Uuministeli wIi-pindi nOofambulika wa ndopa okugandja omuyalu goomba-shu odhindji dhoka dha nyo-lithwa paveta moshilongo ashihe, oshifo shika osha lo-mbwelwa shi ka mone oma-uyelele ngaka komalelo 13 go-paitopolwa ngoka ge nasha nomalovu. Kandenge ota ti Epangelo olya ndopa okutula miilonga omukalo ngoka tagu vulu oku-kondolola omuyalu goombashu dhoka dhi li paveta. ""Oopelesenda konyala 95 dhoondingosho inadhi nyo-lithwa natango notwa kala no-kupula Uuministeli wIipindi wu tule miilonga omukalo gwetonatelo, ihe sigo oompaka kemanya ku za wo ontsi,"" Kandenge ta ti. Ta gwedha po kutya egandjo lyuuthemba woolisinisa ohali kwata ethimbo lyoomwedhi mbali nenge ndatu, nethimbo ndyoka omuntu oku na okukonga omikalao dhilwe dhuuhupilo manga a tegelela."
Your experience on this site will be improved by allowing cookies.
