• September 26th, 2020

ǁŌs ge huri-am skolgu tsûadanab ase go ī


!GOMENǁGAMS - ǂHanub di ǂam skolgu hîa Tsoaxubams tsî  !Gomenǁgams !nâ māgu ge ǀgaisa ǁgâib !naka hâ, ǁnāpa gu ǀgauna nî
ôa mâtin ǀasa xoaǂgāde !gaoǁgui xrats tsî xrat 1’s hâra !aroma nî dīsa nî ôase.
!Nubusib ǁkhāǁkhā!nā-omdi dib ge nē ǀgam huri-m !āra tawa kurigu ǁaeba ǁgoaǂuis ase ī tsî nēsi skolgu mâǁae nî ǀhui-ams tsî mâtikō
ǀasa ǀgôan nî xoaǂgāhes !gomsiba ra ǀaro.

Nēs ge ǀgaisa ǂâiǂhansens ase ǁgûn tsî ǁgau!nâ-aon hoana ība. Erongo ǀkharisi ǁgau!nâs direkters Erenfriede Stephanus ge ge mî, skolgu a !khâikhomsa !khaisa ǁnāti ī xoakhâib soan ga a ǀoa o hâ nî ǀnîsi soa-i !aroma ǀgôana xoamai-ais diba ūǀgarasa, nēs īǁoasa !âubasenden ǁgûna ra ūhâsa ra !aroma amaga.

“ǀAsa skolga da ge nē gam huri-am skolkha tawa ǂhâba hâ, hāǀaro ra ǁkhāǁkhā!nā-omdi ǀguide kurikorobe ǀaros ǀnai mâ skolgu
ai ǁgâiba ra ǁgui tsî ǀgôan !gôaga ǂharo kai xui-ao,” tis ge direktersa gere ǁgui!ā.
Skolgu ge ǂoa ge wekheb Donertaxs ai ǀnai ge tsoatsoa !gao!gao xrats tsî ǀguis hâra xoaǂgādi ǀkha, ǀnî skolgu 100 xa a
ǀoro soadi ǀguide hoa xratra !aroma ūhâse.

“Skolgu ge hâ nî soan di !gôab di ǀnōb ǂganamsens ǂhawegu ǀguiga nî māǂui,” tis ge direktersa ǀkharisi berosa xu a sîǂuisa xoaǂgādi
ǂnamipe !kharaga skolgu ǁga sîǂkhanis !nâ ra mî. Tutaleni ǂAm Skoli Skoldanab, Joseph Damaseb ge ǂoa ge Donertaxs ai ge mî, ǁîn 
skoli 150 soadi ǀguide xrat 1 !aroma ūhâsa tsîn ge ǁîna ǂguro ra hā i ǀgaub ai ǂganamsens ǂhawega a māǂui tsî ra !âubasensa hoagu nî oahāsa.
Kuisemond ǂAm Skoli ge ǂoa ge Wunstaxs ai ge mî, ǁîn ǀguis khami i ǀasa ǀgôa-e xrat 1 !aroma nē kurib !nâ xoaǂgā tidesa, soan
ǀorosib !aroma, xawen ǀnîkhami kō soade !gao!gao xrats !aroma ūhâsa. ǀNî ǁgûn New Erab ǂhôareao- i gere ǁgam-ūn ge ge mî, ǁîn ge
skolgu dao-amdi tawa sī a ǁomsa, soa-e ôasana ǁawoǁ awobas ase.
Aina Jakobus, ǁnā ǁgûn di ǀguis ge gere mî, ǁîs ǀnai ge ǂan i !khaisa ǁîs ôarosa xoaǂgās supu tidesa corona xoxoros khoraǂuisens
!aroma.


Eveline de Klerk
2020-08-11 15:02:45 | 1 months ago

Be the first to post a comment...

You might also like...