New Era Newspaper

New Era Epaper
Icon Collap
...
Home / Otjiposa tjOtjitiro tjanambirahiwa, Rukoro matja otjitundu otjitenga uriri

Otjiposa tjOtjitiro tjanambirahiwa, Rukoro matja otjitundu otjitenga uriri

2019-03-08  Kae Matundu-Tjiparuro

Otjiposa tjOtjitiro tjanambirahiwa, Rukoro matja otjitundu otjitenga uriri

OTJOMUISE- Otjombanguriro tjomahi omakutasane wa America tjorukondwa rwa New York komamuho woutjiro weyuva tjayandjere eningira rehi rOvandoitji rokunakaura eningira rOvaherero nOvakwena  na Barnabas Veraa Katuuo rokurondora ehi Rovandoitji rotjisuta, kombandjarero yawo, muvyarwe ovingi,  ndjaza mOtjiÞiro Otjindjandja. 

Ohoromende yEhi rOvadoitji yarondorwa mo 2015 otjiposa ihi tjitjahitisiwa motjombanguriro ihi. Posia okuzirira kutjo Ehi rOvandoitji kombunda aikeya nokupatasanisa kokutja oyo otjehi ropendje nderikuramena kuro oruni, otjombanguriro ihi kehi yOveta indji Ndjitjayera Omarondorore wOmahi wOpendje ngeri mo America, otjo katjinousemba wokupangura ehi rOvandoitji. Oveta indji itja ehi rarwe ndiri mo America mariyenene okurondorwa kehi yoveta indji uriri tjipena ovinenge kaharive nu ndoovazu ovinenge imbi oro kuraserere okurondodwa iyotjombanguriro ihi kavyurisirwe okutja otjombanguriro ihi katjinousemba okupangura ehi rarwe. 

Ovinenge imbi omurondore okuraisa kotjombanguriro nokutjizuvisa nokutjikovisa kokutja ovitjitwa ehi erondorwa mbimarikumininwa mokutja vinorupe poo kundinondi mavikutwa noungetjefa wina ngaa kundinondi ehindi ndarondorwa  muriparukira ngamba. Munao ovarondere otjivasere okuraisa kotjombanguriro ihi kokutja ehi rovandoitji ratoorere owini wao nai ehi rOvandoijti murihupa poo ngamba mburinawo nganduu mo America. 

Otja komupangure, Laura Taylor Swain,  ihi otjitjaurire ovarondore okukovisa otjombanguriro nu munao opazire okuyandjera eningira rEhi rOvandoitji, okunakaura eningira rOvaherero nOvakwena okurondora Ehi rOvandoijti nokurisutisa otjisuta kombandjarero yawo. Otjombanguriro tjatja omaÞupa ngeri mo America katjiraisiro otjikovise kutjo kehi yoveta indji ndjitjayera omarondororero yomahi wopendenje nu tjingetjo ombandjarero yomatupa kandjari ondimwa yovarondore motjiposa ihi poo yeningira otjo wina tjitjari otjina ovarondore tjivakayatere kombunda omayandjero nomapurateneno wouhatoi ayayandjwa pakapitwa. Munao wina otjombanguriro otjitjihina tjayandjere ovarondore okuyandja ouhatoi oupe womatupa ngamunika mo America mbuvakamuna kombunda. Pumapehee kokutja epu orini ondimwa rokutja Ovaherero nOvakwena vata, nu wina omawini wao mumunehi, ndivpundwa nokuyekwa, katjina otjombanguriro tjitjatarereko. 

Ombara Otjitambi yOvaherero yayakura ombuzendji otjombuze yoruhoze.”Indji tjiri oumune omwuihamisamutima kweÞe nakoviwa¿a vyouye mbyeriyandjera ko kousemba noukohoke ku avehe,” Rukoro matja morutuu kozombuze.  Matja omupangure Swain watjitozondataiziro tjiva zombutiro moumune we nowo mavepanÿere kokutja oumunembwi uyarurwe ombunda iyotjombanguriro tjokombanda kutja eningira rotjisuta rikayende komurungu. “Munao twaningire ozohandende zetu mo New York okukayenda komurungu nokuhina okuwomba,” Rukoro matja. 

Matja otjposa otjinausemba nokupandera kwawo makuzeuparisiwa iyoruva rouye otjiposa ihi ndutjakara naro oure wozombura okuza koututu twouye tjimuna Omihoko Omikutasane. Munao Ombara Otjitambi otjaningire ovandu ve naiho otjiuana atjihe tja Namibia okuriporinÿa.


2019-03-08  Kae Matundu-Tjiparuro

Tags: Khomas
Share on social media