• May 27th, 2019
Login / Register

Outapi ngesi kuna kara kwahana munona godoropa


Ongwediva – Vakansela wodoropa zaOutapi ngesi kuna kara kwahana munona godoropa kutunda tupu apa Lilya Katrina Eilo gatiuramo mbapira zina kutanta asi age ana hageke yirugana yokukara kansela sivike esi kasipwire. Ava nye vana kara noudivi kombapira ezi, Eilo kwakere musipundi gondango zodoropa zina nye ngesi kuna kara asi munona gomukurona godoropa eyi ana kumona mwene asi kuna mugurumwisa atunde mosipundi sekeguru awize pevhu. Mukurona godoropa zina Selma Asino, katente asi mberewa zendi kapi zina gwana mbudi ezi paveta. Ame kapi nanivhura kutanta asi ngesi kapi nina kara nomunona modoropa ezi morwa simpe kapi nagwana mbapira zina kutanta oyo muna kupurange. 

Nye nina zuvhu tupu mwaza mberewa zetu asi kozili mbapira vana gava kwavamwe, nye dogoro ngesi kapi nadiva asi yinke yina karamu mombapira ozo,” yimo ana kutanta Asino. Mukurona godoropa pamberewa, Ananias Nashilongo, ogu ana kara asi gumwe ogu ana gwana mbapira zokuhageka yirugana, age kapi katumugwene kofunguna zendi morwa nongodi nadinye odo katuruganesere dina dimi ndi kapi kayituntompokere. Eilo age kwawizapo nye pevango lyendi lyounasipundi Immanuel Shikongo. 

Muntu ogu ana kara asi age simpe mudinkantu nahena hamutjanga gombunga zaSWAPO mutayi govadinkantu moOmusati. Shikongo kwakere asi silyo sokomitiye zegendeso moukansela wina. Vamwe ava vana kara mokomitiye zegendeso kuna kara Matheus Endjala naVictoria Aggripina Nengo. Matheus Ndeshitila ogu ana kara asi munona gomukurona kutunda mvhura zina puko ngesi age kuna mutura tupu nye akare kansela tupu kumwe naNamupa Agatha Shalongo.


Nuusita Ashipala
2019-03-14 10:23:56 2 months ago

Be the first to post a comment...

You might also like...