New Era Newspaper

New Era Epaper
Icon Collap
...
Home / Ovakune va Pukiro omeho va hwiririke mo AMTA

Ovakune va Pukiro omeho va hwiririke mo AMTA

2021-02-26  Kae Matundu-Tjiparuro

Ovakune va Pukiro omeho va hwiririke mo AMTA

Otjomuise- ™Omeho wandje meyere ko zo ndundu ku kuza ombatero yandje. Ombatero yandje izira ku Jehova, Omuute we yuru nehi.∫ 

Epsalame indi 0 121 nai oo ngumbiro yo va kune mEpukiro, oserekaze Kaatjee Ngupahua no va kwao. Ombura nai otja tji ya roka ow ova kuna. Posia ngunda oyo nai ondaambe ngamba ndjri wina ongendo katiti kovakune kutja ovikunwa ma vi worere mehi. Posia ongumbiro ya Ngupahua no va kwao imba ndinodi mai munika ayo maiyende ama izuvakwa. Oruhindo ronganda yo horomende yok u jtiukisa no ku randisa ovikunwa katjisupi yari mEpukiro oku tara kutja hapo ombura otja tji ya roka nai ovakune vatjitavi. Mbi va kamumine  mu muna ovikunino vya Ngupahua mOtjijarua tja Pukiro vye vepere ohange. 

Posia kaa tjikando otjitenga orutu indwi, Agro-Marketing and Trade Agency, ousupi o AMTA oku yenda kEpukiro. Otjo serekaze Ngupahua omwini tji ma hatoi kutja otuhindi otji tuka ryanga nao posia otjo ngongo ndjiri movitjitwa vyo horomende ape kambura oruveze amaa vemunu oviungura vyato. Posia Ngupahua ma kambura nu uno' maundjiro kutja ka mo tjikando ihi. Tjinga onganda indji aye ve raerere kutja nai tjimanga ma ipaturura orutavi rwayo mEpako. 

Ngunda aperi nao matja oruhindo rwe ve pere ondjiviro mo ma kunino. Ngupahua mOtjijarua uno vikunino vivari tjimwe ape tjo zo heketara o 15 na tjarwe to zo meta o 30 ko 30. Ovyo mu muna ovikunwa no vi hape peke tjimuna omakunde no zo miriva mwiho tjinene no zo mbaruru, ozo nyanga, ovirotambete, ovikora no vitamati.  Matja okutataimba vaungurisa ape o N$20,000 muvyo tjimuna oku tungujyuna ehi nawina oku randa ozo nete. Mbi ma zeri kutja nai o AMTA tji ma umunika ayo yahara ombango ondwe otji ma riva ihi ma tji kotoka. Ngunda aperi nao ma ve kondja kondja movature. Nawina oku riwonganisa otjo vakune avehe mEpukiro oku vasisa ovikunwa vyao kovihuro. Matja nai ovandu ovengi mEpukiro otjikando ihi va pendkira ovikunino katjotjiri. Oo koo kutja ngunda ombura ondaambe katiti tji tji vepa ongendo kutja ovikunwa vya mavi zundara. Pendje no kutja tjii hapo o AMTA ma yiurisa oruyano rwayo. 


2021-02-26  Kae Matundu-Tjiparuro

Share on social media