Home / Ovarwe vo SWATF vatanda okuvarwa otjovarwe ovakuru Ovarwe vo SWATF vatanda okuvarwa otjovarwe ovakuru
Ombepera otja tjimaihonine ape ovarwe ovakuru vOrupa Rondjururiro Rorukondwa rwa South West Africa, maveyanisa okupandera morumbo rwao ape omikato kaatjondumba pendje na Puwo nganduu omaningira wawo tjiyaitaverwa. Mavetja mavekawondja komurungu morumbo rwawo indwi pendje notjihuro nganduu ohoromende tjiyevezemburuka otjovarwe ovakuru, nandarire kutja varwira mene yovimbumba vyohuurire vya South Africa mbyaa virwisa ovarwe votjimbumba otjirwire tjongutukiro ya Namibia. Otjimbumba ihi matjitja nandarire kutja nai tjaundju omungandjo ape ozombura mbari eziriro komaningira wawo, kavena kutjayerwa nonÿiro porwe ondjimaiveisapo poruveze indwi nganduu tjivazemburukwa. Matjitja pendje nokutja tjitjitwa ombangu iyohoromende ndjinanwa iyoSwapo, vapandjara ovinamwinyi vyawo ngunda averi morumbo indwi nu tjiva mavetja ovakazendu vawo vevesa rukuru mokuhina okukarara pozongando zawo kwawo. “Twari novanatje imba wina posya nai vayaruka konganda mena rokutja ongaro imba kambwe,” omurwe omukuru John Karongo matja. Nandarire kutja kaveyazemburukwa otjovarwe ovakuru, imba mbatjita ozombura o 60 vehara otjimariva tjoukurundu. Otjimbimba ihi matjitja imbi mbyakapita vya kapita nu tjapukata ongurameno yondjesirasaneno kutja veyenene okumuna ozombwiro tjimuna ovarwe ovakwao ovakuru mbaa verwire ongutukiro nai mbemuna otjimariva tjovarwe ovakuru. “Ngunda ete tuhuwa eni rokutja aa tukuramene ongutukiro momurungu. Hapo ongurameno yondjesirasaneno ndjatoorwa pongutukiro yatjitavi? Turimoumba nu tjingetjo wina ehupo retu,” Barden Muharukua matja. Otjimbumba ihi matjitja tjitona ozondanda potuveze peke peke mo Puwo otjo putjirambwarambwa nu munao oputjee kutonena ondanda movihwa pendje notjihuro. “Twaraerwa kutja kutja turamba ovandu nu ngatu tjinde,” Karongo matja. “Orata tjingeyo ndjitwavatera ombeturamba-tuhorokwa oputukarera momahwa,” Muharukua maweza ko. Momauzeu wawo weyapayuva muna ovikurya nomeva omakohoke nouruwo. “Ohapo tupita okukapaha ovikurya kangamwa atihe tjitwamunu tjituha¿asana,” Karongo matja. Otjimbumba ihi orupa notimbumba nai tjitjatona ozondanda pEtuwo rOmerinaneno rOkomando yErapi rOtjiserandu mOtjomuise.
Your experience on this site will be improved by allowing cookies.
