• September 19th, 2018
Login / Register

OvaÞuta varaisa ombango meyuva rao

Languages
Languages

Kae MaÞunÿu-Tjiparuro Otjiuarongo-Otjoyeva ndakwizikirirwe ovandu mbetjirwa amavewaneke, eyuva rovatuta va Pukiro kehi yoruru rwavo indwi o Eastern Epukiro Farmers Association, ousupi o EEFA, Oritjaine ndazuko muno, rawonbere tjinga ovatuta avari amavewaneke. Posyo oro tjirakautire ape nao tjiyapiti momurongo nombari yomahatenya, ovatuta varaisire kutja tjiri venombango movoyoututa okwiisira komapuriro wavo ovatjiwe momahungi wawo peke peke tjivazire okuhandjaura ovi¿enge peke peke mbimavitjama nouÞuta. Tjingetjo wina mena rotjivarero otjititi tjovatuta mbakarerepo pari nongendo yokutja ongwaye eyuva indi tjiratjitirwa muno tjitjiri kondejmbo nu tjehi mOmauezonjanda, tjinene nene tjinga nai otjingi tjovaÞuta omeho avari avaziririka muwo eyuva ependukirwa ndari Oritjatano mumwari ama muutu omaraisiro wovinamwinyo wombura. Omuetenga kembo movahungire weyuva wari Mekupi Hengari wOmbaanga yOtutumbo nOvikunwa ngwatarere kozondjo onganda indji tjinene ndjiiyenena okuyandja kovatuta nu tjinene nene ondjo ombe ndjihihayambekwa ko otji¿a. Watjere indji ondjo tjinene ndjimaiwpire ovaÞuta vomahi wa kangamwa tjinga otjingi tjovaÞuta mbari peyuva indi averi ovomomahi wa kangamwa. Hengari wapambarere kutja ondjo indji maiyenene okuyandjwa kungamwa otjiungura tjitjinorupe nouÞuta. Posya ovatuta varaisire ongendo yokutja mapeya owo avehaparukire mondjo indji tjinga oyo amaivanga kutja omuyazeme wasere kutja unotjimariva tjitjihita aruhe momayandere womweze tjinga okukambura ondjo indji amakuhepa kutja omuyazeme maso okuraisa ouhatoi wotjisuta tjitjihita omweze auhe. Munao ovatuta otjivamunine kokutja ondjo kaayawo nu ombaanga yasere okuveyetera ondjo yarwe oyo mumaveyenene okuparukira. Munao umwe wovatuta otjazemburukisire omukuramenepo wombaanga indji kutja ape yarire ozombura ombaanga tjingeyo tjiyeere kuwo kokutja inondunge yondjo ndjimaivepwire. Oyo yanaingira kovatuta kutja veete kuyo orutuu rongetjefa ovatuta ovengi puvatjangisira kozonongo zovitjitwa vyoungetjefa otutuu itwi navetuyandja kombaanga indji. Yarire ozombura nai otjina ihi tjakamwina. Hengari kaangondjere oku kondoroka ovimbungu nungwari watjivisire ovatuta imba kutja otjo tjiri pari nondunge indjo posyo oyo nai ya kahaka mo Kambineta oyo ndjakayata ko otjikaku. Posyo eye wawisire omwinyo vyovatuta kutja ombaanga indji kaiyakarara nugwari inozongondjero zokupaha imbi mbimavipwire ovatuta womahi ya kangamwa. Yarwe yongendo yovatuta yari kokutja tjii hapo ombaanga indji maipaturura ru¿e orutavi mEpako posya Hengari kaari neziriro. Pari epuriro rokutja tjii hapo ouhopare wombazu mbunondjuwo poo ofarama mauyenene okuyazema otjimariva ko mbaanga indji Henagri pazirire kokutja omawini inga ongwizikiro ndjayenene kuwo oyeni nombaanga maiyenene okuyazema otjimariva ndoovazu ihi tjimatjiungurisiwa kotjimariva otjiyazema ihi omombwiro yotjiwa¿a. Varwe vovahungire peyuva indi yari Erastus Ngaruka wina wombaanga tjingeyo ngwahungirire kovirasewa vyovinamwinyo nu tjinene ozonyanda. Mehungi re tjinene Ngaruka wapambarere kutja otjina ohepero tjinene nene mouÞuta kavyombi ovirasew poo ovikurya vyovinamwinyo mbirandwa nungwari okukondja kokutja omaryo wokuti ongeriyo nuyeri mongaro ombwa. Omena rokutja ovirasewa poo ovikurya ovirandwa kaviyarikirepo womaryo wokuti nungwari okuweza poo okuvatera omaryo wokuti poo okuungurisiwa pokati komakweze peke peke omaryo womokuti tjimayetanauka. Warwe wovahungire yari Emily Abraham wina okuza kOmbaanga yOtutumbo nOvikunwa eye ngwatarere koututa wovikunwa nowozohunguriva. Watjere ovikunwa ohepero wina koututa wovinamwinyo mena rokutja ovikunwa wina tjimuna ovisepwa vyozomiriva viyenena okuriwa iyovinamwinyo. Munao ovatuta wina otjivasere okuyandja ombango koututa warwe tjimuna wovikunwa nowozohungiriva kokutja mourumbu omaututa peke peke inga yeyenene okuvaterasana. Warwe omuhungire yari omunagetjefa yovirasewa, Charles Tjiueza, wonganda indji SVS91 cc, oyo nai ndjirandisa ovirasewa norusiana kehi yena indi o Sure Feeds. Oyo yerikuta kunonganda yarwe yovirasewa indji o Nutri Foods ya South Africa. Onganda indji nai katjisupi yapaturura ostora yovihepwa yvyovinamwinyo mOmauezonjanda. Movirasewa mbiirandisa muna ovirasewa vyozongombe kutja tjizari otjikuryoma azehakoka. Tjiueza waraisire oukahuke kutja kenakutja otjirasewa ihi tjizepa otjikuryoma nungwari tjivatera ongombe ndjetjiri okutjirwisa kutja na¿i aihakoka. Waraisire kokutja ovatuta mbaranda ovirasewa kuye maveyenene okuvaterwa novitoore okuvivasisa puvetumbira ndoovazu varanda ovirasewa ovingi mbihina okuyenene momatemba wawo. Okupata eyuva Benjamin Kasuto wahandjaura kovatuta otjitjamurongo tjohoromende owo tjivasere okusuta kuwo nohepero yawo yokutjisuta kohoromende nokutja vasere okukara noukee hatoi momasutiro wotjitjamurongo ihi. Tjinene waraisire kuwo kokutja aruhe tjimaveungura oututa wawo tjimuna okuranda ovirasewa vasere okukara nouhatoi wovirandwa imbi nawina ohatoi wa kangamwa otjimariva tjivaungurisa moututa kutja omo kusuta ovaungure poo okuverisa. Munao otjarakizire ovatuta okuhanna pokati koututa wao notjimariva tjimatjizu moututa imbwi naiho otjawo kourike wawo.
2017-09-08 10:42:44 1 years ago
Share on social media

Be the first to post a comment...