• September 25th, 2018
Login / Register

Ovatjevere vokuti mavetarere ondjou ndjamunika po Kongue


OTJOZONDJII Ovature va Kongue mOmatjete veri mondira yondjou ndjamunika ondendera notjirongo omayuva kaatjindumba ngakapita. Orata onene nomuhungirirepo wOuhonapare wOmbazu wa Zeraeua, Fabianis Uaseuapua¿i, waraere onganda yozombuze indji o Nampa Oritjatatu kutja otjipuka ihi tjakurupa, otjinaurike numatjipawa ovikurya. Otjo wina tjamunikire movirongo ondjendjeta tjimuna Omutiuanduko no Kaseraue Oritjavari. “Ovandu venomburuma mena rokutja ondjou maiyenene okuya korwi, nandarire kutja penovandu,” Uaseuapua¿i matja. Matja posya ouningandu kapena omundu nguyaihamisa nu ngunda kapeyakara onyoneno onene kowini. Posya ondjou yanyonene omuryu kotjike potwi. Uaseuapua¿I matja ovatjevere vokuti okuza ko Ministeri yOkuti nOvaryange veri morukondua okwiitarera na ngahino okwiyiundurira kwarwe. “Wina mbayakura omabo kutja orutjindo rozondjou rwaminikire pOkonjanja otjiveke tjitjazuko, okutja ovandu venomburuma mena rokutja ombura ndjazuko omundu wata iyondjou mOmatjete,” matja. Warakiza otjiwa¿a okukara okuyevayeva nokutarera otjipuka ihi. Wina waningire otjiwana okutjivisa omberoo ye poo vatjevere vokuti tjivamunu ozondjou mene yozonganda zao.
2018-02-23 10:22:26 7 months ago
Share on social media

Be the first to post a comment...