Home / Ovature komamuho wehi veri ketambo ra Swartbooi Ovature komamuho wehi veri ketambo ra Swartbooi
OTJOMUISE Paul Thomas, oka¿epo kokomiti yOtjiÞiro Otjindjandja tjOvakwena, iumwe womaraka otuwondja ngerikwamba kongotue ya Clinton Swartbooi okumupa oruvara. Thomasa matja Swartbooi eye makambura kutja Swartbooi unousemba okuura okuhungirira kepu romahandurisiro nomwano mbuyeÞuna vi kotjiwa¿a tjovakwatera va Namibia, Ovakwena puna oviwa¿a vyarwe ovyo tjingetjo mbyari mondjuriro nombandjarero tjingeyo okuza kohuurire yehi rOvandoijtji mo 1904-1907. Oritjavari ongoramambo indji o Namibia Sun yatjangere kutja Swartbooi watjere omunene motjihako puye mo Minsiteri yOmatungururiro Wehi, Utoni Nujoma, wasere oku kotorwa mondjira komwano eye mbweungura otjiungura tjomahandurisiro. Swartbooi wakumininine Nujoma mokuhandurisa ovandu okuza nandarire kotukondwa twokokure tjimuna o Zambesi mehi komamuho mehi ndakamburwa iyouhonapare wohuurire wOvandoitji okururuma ovature vOvakwena. “Katjiyakurwa ihi Utoni tjetjita nomahandurisiro. Maso oku okutonenwa momuhunga,” o Namibia Sun Omandaha Oritjavari yayarurirepo Swartbooi otja ngwatjere nao tjahungirire pomukandi wombazu wova Kai//Khau mo Hoachanasa Orovyungura ndazuko. Okwiisira kwinga ozongoramambo peke peke nÿuzatjere yari omambo wa Swartbooi, operesidenda ya Namibia, Hage Geingoba, Oritjatatu wina otja tjangere mozongorambo peke peke amatja Swartbooi moure wozoiri o 24 wasere okuningira ondjesiro ku ngatjangerwe iyo zongoramambo otjomambo we. Otja kozongoramambo inÿa muzo mumuna o Namibian Sun, orutuu indui Geingoba mumaningire Swartbooi okuningira ondjesiro rwatjangerwe iyo ministera yOvitjitua Vyomberoo yOperesidenda, Frans Kapofi. “Omambo inga mapeya ayetombo ohange nondikamene mehi nu kunao otjiye hapwirire, mwatjiri kayasere kutja yahungirirwe morupanda iyomuungure wotjiwa¿a kayanisa okukongorera nokutjevera kOngundeveta yo Reopubirika ya Namibia,” o Namibian Sun yatjangere nao Oritjatatu amaitja omambo inga onagri morutuu Kapofi ndwatjangere ku Swartboii oyo ndumaitja yerumwine. Thomasa matja omambo ya Swartbooi inga yasere okuzuvakwa mombepo yehi nominyo Ovakwena mbuvapandjarisiwa iyovahuure. “Owo vakondwa ovyuru ovyo ngaa kundinondi mbiri mehi rOvandoitji, nepu rOtjitiro Otjindjandja rukuru nai ritjindwa nokuhina ongendo iyohoromende indji,” Thomasa matja. Mwiimba wina mbakwamba eraka rao kokuyandja oruva ku Swartbooi omuhaamise wovihavero vyokomiti yOtjitiro Otjindjandja yOvakwena, Ida Hoffmana na Simon Kooper, eye nguri ombara yova Kai//Khau. Swartbooi ngamba keyazirira keningira ra Geingoba kutja nganingire ondjesiro poruhaera.
Your experience on this site will be improved by allowing cookies.
