Zebaldt Ngaruka

Ozoumbouvapa- Ovatuta mbenwisa mondama mave  ningirirwa oku kengeze nambano nai ondama tji ya pwirire.
Ondama indji oo nene nene mEpukiro nomurya ozo cubic meta 300000 rukuru ndjaa ikara nomeva oure wombura aihe. Orata yotjirongo, Kambuari Katjirua, wa raerere onganda yo zombuze indji o Namibia Press Agency, ousupi o Nampa, kutja penoumba wo vinamwinyo oku kakatera morunoko rwayo nai tji ya pwirire. “Oumba ounene, matuo okuungura kumwe oku kara pondama eyuva arihe okuyama ovinamwinyo,” marakiza. Mena rourumbu mehi ozombura ndano nÿakapita nambano oyo kaiÞiza omeva orure nu Omandaha otji yapwirire. 

Otja korata indji pendje nombura nambano ozombura inda ndjiharoko nawa, ouzeu wina uyetwa ovinamwinyo vyo virongo oviraranganda mbiye kunwa muyo. “Ongaro yomaturiro wa kangamwa ovinamwinyo muvi riryangera  nu kapena omwano wo ku vitjayera tjinga amatuso okuvatera ovaranganda vetu,” Orata maitja. Maweza kutja ondama ivatera ovirongo oviraranganda nomeva nu munao ovinamwinyo ovingi vyo tjivarero tji tji hina kutjiukwa otji vi woronganena pondama indji. 
Munao Katjirua otjimaningire ovatuta va Tjombundiro, Ezorongondo, Ouvanda, Otjihaenena na Karuokape okuye kuzemburuka ovinamwinyo vyao no ku vitwara. 

“Orwi rotjirongo ozo kilometa ape mbari okuza pondama nu munao ovinamwinyo mapeya avitu onyota,” mamunu nao. Munda imbowe Job Ndjavera, omuÞize worwi matja nambano nai ondama otja tjiya pwire orwi maru kara kehi yoninikizire yo vinamwinyi ovingi mbi maviso okunwa muro. “Marire oruveze oruzeu mena rokutja ovinamwinyo ovingi mbi ma vipaha omeva mavi hahaura orumbo. Matuso okuungura kumwe oku tjayera ovinamwinyo okutanana orwi rwetu,” Ndjavera matja.