New Era Newspaper

New Era Epaper
Icon Collap
...
Home / Ozombara tjiva za Tjinene  ngamba zeri kehi yomuti

Ozombara tjiva za Tjinene  ngamba zeri kehi yomuti

2021-03-05  Kae Matundu-Tjiparuro

Ozombara tjiva za Tjinene  ngamba zeri kehi yomuti

Otjomuise- Ovanane vombazu tjiva kehi yOuhonapare wOmbazu wOvaherero mOtjinene ngamba veri kehi yomuti puvetja vaisiwa nandarire kutja Ombara Otjitambi yOvaherero omayuva wo ma suviro ngazuko wari kOtjinene.

Pu ma pe hee kutja ngamba ondjemeno yo zo mbara Usiel Kambirongo na Simeon Murangi no va kwao varwe kaiya zengururwa. Ondjakaha indji ohunga no ma zikiro wo mbara kehi yomuramba, Muute Tjijahura, owo nguvetja wa zikwa kombanda yao iyOmbara Otjitambi omwini, Vekuii Rukoro, no ku hina omatiasaneno wao otjovandu mbenanena morukondua indo. 

Ombara Otjitambi oroviungura ndazuko wa kakarere no mbongarero pomuti Ngauzepo posia ozombara tjiva inda nde hina za kakarerepo nu nandarire kutja eye wahindire ovahindwa oku ze nanga, zapandere. Ongurameno yazo okoo kutja ngunda omazikiro wa Tjijahura aye hiya kanguka kuwo, owo kavena kukara norupa mu tjimwe tjovitjitwa vyouhonapare kehi yOmbara Otjitambi. 


2021-03-05  Kae Matundu-Tjiparuro

Share on social media