Home / Pandeni Ombangane! Pandeni Ombangane!
"I John Ekongo OTJOMUISE Omuyaruke o Ministera yOmananeno wOtukondua nOzongomainde, Omawkizikiro wOmara nOmekurisiro wOkozombanda, John Alfon Pandeni, waraisiwa otjombangane kombunda yondiro ye, Ohoromende okutuurungira mo Ministeri yOndjivisiro Nomamapitisiro Korukiwko, yatjivisa nao. Mapehee kutja Pandeni mapeya apewa ondjozikiro aihe okuura iyohoromende nasuvisiwa petjo rozombanda pendje na muno. Makuzu Pandeni masuvisiwa tjiyeri 29 ku Seninarindi, ape oviveke vivari kombunda yondiro ndje muhakanene tjiyari 14 ku Seninarindi moumba wetemba ouvi. Eye oo kanepo ko Cabineta okatenga okuta nao. Mapakwa otjiveke tjimatjiyende mena rovitjitua vyohoromende mbyavasewa avyatiewa omayuva womasuviro inga tjimuna ouyenda wokotjiveta woPresidenda ya North Korea, Kim Yong Nam nomahitiro kotjiveta wo Presidenda momatutiro wayo omape, omukandi wozemburukiro wongutukiro nawina omayuva wokambo kondiro. Orutu romuyaruke Pandeni marituarewa konganda ko Omundjalala mozondendera za Anamulenge mOrukondua rwa Omusati Osondaha indi. Ongooneya ya Omusati, Sackey Kayone, wayauza kutja orutu romuyaruke o ministera maruvaza ponganda yovanane ve mo Mundjalala Osondaha pumarurara napekara omayandjero wondjozikiro oseinina Osondaha indo nawina Omandaha tjiyeri 24 ku Seninarindi. Marukotoka muno mOtjomusie Omandaha mapeta nu kombunda apekara omatjivisiro wokomurungu wombakero pEtjo rOzombande. Pandeni wari okanepo korupa rovaumbe rwo Swapo, ousupi o Plan. Moruveze rotjirwa tjongutukiro wari omupyuke mopolotika nu wari kemwe kounepo oruveze rohuure worupa rwapeke rovarwe mbanjondorokera mehi nganda avekapita kehi komamuho. Eye novazapamwe ombari notukosi tuomanyoneno wovyungurisiwa mondivitivi na komamuho wehi okuza mo 1976 nanduu mo 1978 nondando yokungundiparisa ouhoparae woruveze indo kutja harukuru uheruke kounane. Orukosi rwao rokunyona ovyungurisiwa karuhozerwe nanguu mo 1978 tjivakamburirwa pamwe na Willem Biwa mo Ngarano navehindua kotjovakamburwa ko Robben Island mo South Africa wina omayuva ingo tjitjari otjovakamburwa vopolotika va Namibia tjimuna Andimba Toivo ya Toivo na Gerson Veii nawina ovakamburwa vopolotika va vohoromende ya South Africa oruveze indo ndjari yombangu, tjimuna Nelson Mandela. Pandeni waseko ovanene ve, ihe John Shikongo Pandeni, ina Gerbhardte, oserekaze ye. Julia novanatje vao, Iita, Pendukeni, Shafa na Vilho. Ngunda aperi nao o Nampa yatjanga kutja Omutize wOtjihavero tjOmbara yOmbanderu, Peter Nguvauva, mombinika ye yoruhoze waraisa kutja Pandeni mazemburukwa iyo muhoko wOmbanderu otjomurwire wongutukiro omupyuke ngweriyandjerere kongutukiro ya Namibia aihe nawina komapanginino wOvanamibia avehe. ""Ehi retu rapandjarisa omunane omupandere nependa, omurwe omuhihatira nguhina ondira ngweriyandjera ngwaungura nokuhina okuurwa okupwisa ehupo rovandu vetu. Pandeni waraisa ounane ounene tjinene otjomurwe oruveze indo rorupa rwoa Swapo rovarwe, o Plan, otjomurwirepo womausemba wovaungure, Otjomunane wo Swapo notjo ministera ndjina otjina novitjitua vyo mananeno wotukondua nozongomainde,"" Nguvauva watjere morutuu. "
Your experience on this site will be improved by allowing cookies.
