New Era Newspaper

New Era Epaper
Icon Collap
...
Home / PRESIDENTE TAKUMBURURA KONOMBUDI KADI ZUVHIKIRE ASI KUNA KULIRWANESA NAMBUMBA

PRESIDENTE TAKUMBURURA KONOMBUDI KADI ZUVHIKIRE ASI KUNA KULIRWANESA NAMBUMBA

2016-03-24  Staff Report 2

PRESIDENTE TAKUMBURURA KONOMBUDI KADI ZUVHIKIRE ASI KUNA KULIRWANESA NAMBUMBA
  Presidente Hage G. Geingob, kahomokerere vanambudi  mokukwama mbudi kavatjenge asi age kahomokerere hamutjangantoni gombunga zendi zaSWAPO, morwa asi Mbumba kapi ana kurugana yipo asi atware mbunga zawo ezi komeho, nampili ngomu ana kara asi kuna kugwana yimaliva yoyinzi.  Sivike pita, sayitunga zimwe zokuruganesa unene eraka lyoruhingilisa Confidente, kwatjenge asi Presidente kahomokerere Mbumba komeho zovantu modoropa zaBaye, omu kahomokerere munamberewa kurona gombunga SWAPO asi kwato eyi ana kurugana  ntani kapi atantereko Presidente asi yinke yina kuhoroka mombunga zawo. Apa nye kauyungisire mbunga zovarugani NUNW, nompitisili dawo kemunzugo lyemunene lyepangero, Geingob katente asi odo nombudi dina kara asi kapisi dousili ntani ame kapi katuligwene naMbumba  konodoropa odo vana kutumbura dekefuta. Ame simpe kapi twalitangwisa rumwe naMbumba. Nage name nare twagusa kurugana kumwe, yimo ana kutantera Geingob, ngoso wombunga zovarugani.  Vantu mosirongo esi kuvhura kuuyunga nkenye eyi vana  hara nomukumo, ntani kuvhura varuganese nonkango ngwendi moge dina kutunda. Nsene oresa mbudi zina muna kara nonkango edi kani uyungire nye ame kapi kavapulirengeko nampili nakauke. Presidente katente asi vantu vamwe kapi vanayihafere eyi sirongo sina kara nompora ntani kuna kuza komeho. Ame kapi katuligwene naMbumba, yimo simpe ana kutwikira ngoso Geingob. Geingob simpe katente asi kwaresere monosayitunga asi hamutjangantoni gombunga zovarugani Job Muniaro ntani presidente gwazo Ismael Kasuto kapi vana kuuyunga kumwe, nye age kavahundilire asi vahepa kuuyunga udigu owo yipo vatameke kuuyunga nokuruganena kumwe nsene asi oyo vana kutjanga usili. Nye ame guna pwagange apa nina kumumona kuna hingire kumwe, yimo ana kutanta ngoso. “ Ame nina hafa morwa nayina nyone ava, mosivaro sosinene esi muna wiza naso”,yipo muyalikide asi hawe one kapisi melihanauko muna kara moomu dina kuzuvhayika nombudi. Age kahundilire mbunga ezi zovarugani asi vahepa kulipakerera nendi ngono mpitisili varuganene kumwe melikwamo eli gaturapo ana kutumbura asi “ Harambeee”. Egano eli lina kara asi lyokurwanesa ruhepo mosirongo.   “ PICTURE OF” PRESIDENT HAGE G. GEINGOB
2016-03-24  Staff Report 2

Tags: Khomas
Share on social media