New Era Newspaper

New Era Epaper
Icon Collap
...
Home / Ruha rwerongo momukunda omusati ngesi kuna kara kwahana rutjeno

Ruha rwerongo momukunda omusati ngesi kuna kara kwahana rutjeno

2017-10-05  Staff Report 2

Ruha rwerongo momukunda omusati ngesi kuna kara kwahana rutjeno
Nuusita Ashipala Ongwediva-Yimaliva yokusika ko nomiliyuna N$900 yiyo yina kara makongo koministeli momukunda gwina, kuna kara asi yiyo nye yimaliva vapilira kufuta kokampani zorutjeno vana kutumbura asi NORED, eyi yaninkisa kampani ezi zihagekese kugava rutjeno komavango gerongo gokusika ko ntazimwe monontambo dokutara asi nomukunda gona megendeso erongo. Ado kuna kara Tsandi, Ruacana, Okalongo, Etayi, Ogongo, Okahao kuna kara asi kuna kurugana ngorooro kwahana rutjeno kutunda mo 21 Siatarara. Ano nomukunda nye dimwe momukunda horowero googwina ado simpe kuna kugwana rutjeno nampili ngomu dina kara asi nado momakongo dina kara. Nampili ngomu asi mavango gene kunakuza nye ngesi sivike sauvali kwahana rutjeno, nsene nayitwikira ngorooro, kuvhura kuretesapo asi kapi navagwana evango lyokuvhukisa yimbapira yomakonakono monontambo ndunge dapira kukarapo, omu yina kara asi makonakono kuna kugandindira gakakareko mwa Mangundu 2017. Mokugwedako, makonakono age vahepa kuga keverera nawa morwa pokuvhukisa yimbapira oyo kuvhura yikagwire momawoko peke makura vayivake. Mokukwamo nye owo vadivako Yuma, pwanare kwakere asi awo kuhukia mapepa aga kwediko komeho vakatjange vanona, nye, kuna kumoneka asi namuvho kuvhura yikare namo peke. Mukurona gerongo momukunda Omusati, Laban Shapange, kayinkondopekere yizuvhayika yangesi asi usili. Mokukwama Shapange, katente asi mberewa zendi nazihameseramo navenye vagavi yirugana nayina, yipo vavapemo asi udigu musinke vanakugwanekera nawo. Ose natuhameseramo navenye, yipo asi natuvenye tutare asi udigu ou ngapi una tugumu morwa etokoro lyangesi, kapi lina kumoneka nawa morwa natuvenye kunakarerepo kutekura muhoko gwetu. Unene munona gwaNamibia koruha rwetu. Yimo ana kutanta Shapange. Age katente asi gadivako Yuma asi mora sinke ava pilire kufuta makongo gawo nosiruwo, eyi ayi twaredere vagavi sirugana esi nawo vakare noudigu. Nye kuna kara asi mukaro nye ogu tuna kara nago pwanayina ngesi, nye kapi yina kutanta asi twahepa kuhingira, twahepa kulizigida tutara asi kurugana ngapi, yipo asi yahaka guma unene komarongikido gomakonakono aga tuna kulirongikida ngesi, yimo ana kutanta Shapange. Shapange simpe katente asi mbudi zangesi nare vanazitumu kwahamutjanga gokukareremo moministeli zerongo koVenduka, yipo nage agave magano gendi asi kurugana ngapi.
2017-10-05  Staff Report 2

Tags: Khomas
Share on social media