• August 12th, 2020

Rundu vakeke, vazinya kuna kumona kanyando komufu


RUNDU- Vakadi vana kara asi kuna kundindira vamone vakeke nava vamona nare vakeke vana kara mevango lyokuhampurukira mosipangero saRundu sepangero kuna kumona siponga komufu ogu guna karakon ngesi morwa kapi kuna kara evango nawa nawa ntani matarase kwato aga navazara momukara gosipangero omu navarara. 

Apa nye sayitunga zetu zaNew Era kazikavadingwire mosipangero, vakadi kuvamona pomatarese pevero lyokuhwililira, mokuza mokasayise kwato evango nkenye pwankenye mbete ntani okiu vana hingilire vahakuli. Kuna kumoneka asi kwato nzugo zongandi ndi evango nkenye lina kara asi muporongwa omu nava ruganesa mukaro ogu tuna kara nago ngesi gokulipa kanano namukweni ntani kwato yonkumatere vana litura owo vazinya owo, vana kurara pevango olyo. Mo 2014, epangero kwatokwere kutunga evango lyokuhampurukira yipo asi vagusepo udigu ou wokupira mavango unene momukunda ogu kwaKavango zoupumezuva. 

Mukunda ogu kwakara asi gumwe ogu vakadi ava mono unene vanona ndi asi vakeke. “ Ose nyose ava, mononkondwa dosipangero, novakeke vetu, omu tuna kunyanda koutenda, kapi tuna kara negano nkenye, yimo ana kutanta gumwe zinya ogu ana kara nomukeke petarase monkondwa zosipangero saRundu sokumonene vakeke.

Eyi yokulirundika vakadi pevango eli kuna kara nye yina kwata siruwo sosinene mosipangero saRundu, omu vantu ndi asi vatungimo nare vagusa kugava masivano gawo kuhamena mukaro gwangesi. ‘’ Mukaro kapi guna wapa nye twahepa tupu kuvavatera noyo tuna kara nayo, ose kapi tatutengwida vaveli vetu ndi asi tupire kuvavatera, twahepa kuvatura vagwana mararo nampili ngomu yina kara asi kapi yina wapa unene mararo yimo ana kutanta DR. Joseph Mukerenge. 

‘’ Ose kwetu, ngosipangero, kwato eyi natuvhura kurugana. Ministeli zahepa kugusapo udigu ou womararo unene kwava vana kukamona vakeke morwa evango nye eli tuna kuruganena kapi lina wapa. Mukerenge katanterere munambudi ogu aze akamone ministeli zoukanguki nokukavapura kuhamena evango eli. Nye nampili ngoso aw okapi kavagwene miukurona goministeli ezi munekuto Ben Nangombe, vagwane asi morwa sinke kuna karere maranga mokudika sipangero esi saRundu.  Mugavi mbudi ogu kayigwene asi kuna kara maranga morwa mutungi ntani yimaliwa kapi vana kara nayo. Apa nye ngava mana kutunga evango eli ngalikara lyokurara vantu ewokusika ko 200 vakadi ava vana kara nomazimo. Kampani vana kutumbura asi Summerstone contactors, zakara asi kuna kurugana projeka ezi, ntaantani tupu kavahuyungire asi kuna vape 31 July omu ngano navakagava evango eli. Awo kavatente asi eyi yina hupuko kutura gas mevango lyokuhakwira.
– jmuyamba@nepc.com.na   


John Muyamba
2020-07-16 09:34:35 | 27 days ago

Be the first to post a comment...