• September 25th, 2018
Login / Register

Sibaka sapabalelo yalindiala sifumana muyaho

Languages
Languages

Aron Mushaukwa Katima Mulilo – Sibaka sapabalelo yalindiala sesibizwa Liseli, ili sesibabalela lindiala nibanana babasaipumaneli mwa Katima Mulilo, nesifumani muyaho omunca viki yefelile. Kwamulao nebabelekisa keleke ya Charity Faith ili yezamaisa sibaka seo, kona kanako yacwale sesina nimuyaho wateñi, one uyahilwe kamali ane aneuzwi kimuuso wa Japan, kasinyehelo yefita fa N$851,000. Muyaho omunca una ni makilasi amabeli, mizuzu yakubulukela yemibeli ni sibaka sakupabalela. Mwa manzwi ahae, Ndumeleti wanaha Japan mwa Namibia, Hideaki Harada naize sibaka salindiala, “kimutala omunde hala swalisano yezamaelela nimulelo wa Harambee mwakutisa zwelopili kumañi ni mañi, ili kalulo yakubona kuli batu kaufela, batutengo twa kwamukunda ni sicaba babeleka hamoho.” Hana bulela kanako yeswana Likwambuyu yabona zakulikanelela kwabaana ni basali ni pabalelo yabanana, Doreen Sioka naitumezi kwamuuso wanaha Japan kaneulo yende. Naekelize kuli neulo ikabapala kalulo yetuna mwakuhula kwabanana kwasibaka sale. “Naitumela kumina kakueza kalulo yamina kakuba batu belubeleka nibona mwakutisa tuto ni pabalelo yabanana, mi nisusueza babañwi kuli bangele fateñi mutala. Kaufela luna luswanezi kuba nikolo mwakubona kuli banabaluna bafumana zelukela kuli ibe babaitukiselize habayo kala sikolo,” nekubulezi Sioka. Sibaka sapabalelo sina nibanana babañolisizwe ba 25, mi ba 70 kuzwelela libaka zeli bukaufi nibona bafumana tuso kwateñi.
2018-07-23 09:36:51 2 months ago
Share on social media

Be the first to post a comment...