Mubihi wa Mutende

Bukalo – Sikolo sesituna sa Sanjo, sesifumaneha mwasilalanda sa Katima ya Matakanyani, silela kunga koleko yelikana N$850 000, kwamulalelo omutuna oka kubukanya cwalo nibabatompeha. Yanali Likwambuyu wa Makete Dr Richard Kamwi ukaba teñi, mi babamemilwe baitekezwi kufungulula N$500 muñwi ni muñwi, mi babatompeha baitekezwi kufungulula N$1000 kuleka mampampili alimemo. Bao neli baituti fasikolo bana nikufungulula N$500 kuekeza fa N$500 yamulalelo, mi likampani lina nikulifa N$6000 yatafule yabasilezi.

Kanako yacwale sikolo sesipepile babañwi babase babeleka mwamuuso, baetapili, ni bantu babañwi balipisinisi babatumile hahulu, sina nibaituti ba 398, nimaticele ba 24, nibabeleki babañwi ba 15. ?Kakuba sikolo lulela kukoleka N$850 000, kuli lulundulule miyaho yamakilasi alishumi kaamabeli, mi sikolo sitokwa masheleñi afitelela lule,? ticele niyomuhulu wakufundota mulalelo omutuna Raymond Simaimbula nabulelezi New Era.

 Naize kuzwa silimo sa 1975 sikolo hasi yahiwa, makilasi hasika lundululwa kale, mi sali mwamayemo maswe akuba nimamota ana nimiandala, lituwa zelobehile, ni pendi yefofalile. “Tumelelano kiyakuli purojekiti ye ino bateñi kasamulaho alilimo zelishumi. 

Hala likalulo zeñwi zakufumana masheleñi sikolo siikopanyize nisicaba, kuli baitame kuzwisa, nekubulezi Simaimbula. “Kwanda makilasi ase asupezi, sikolo sitalimani nimatata acwale kalimbuzi zesasebezi hande, kutokwa lisebeliso zasikolo, hamoho cwalo nimuyaho wamakompiuta. 

Sikolo sibata kususueza banana babana nilitalenta kuli baitenge mwakuuta likuhu. Kalulo yeo ikatusa sikolo kuluwa mapurojekiti,” nekubulezi ticele wa Njimo, fasikolo sesi etelezwi ki Betty Mbile Mbanga-Silumbu, ili yashukelwa kuba hande kwamulalelo. 

“Hala tuto, sikolo siezize hande hahulu, sihulu kulatelela kutiswa kwalituto zamayemo apahami, lukonile kufitelela sikonkwani sasikiliti sa 65 pesenti mwalilimo zetalu zetatamani,” neku ekelize Simaimbula.