Marythar Kambinda

KATIMA MULILO – Sikolo sa zabupangapanga mwasikiliti sa Zambezi, ili sezibahala ka ZVTC, nesikwaluzi hotela ili yekasebeliswa kufa lituto mwasikiliti sa Zambezi. Hotela neyahilwe katuso ya katengo ka NTA kasinyehelo ya masheleñi alikana bolule bababeli, ni masheleñi alikana lule ni licika kuzwelela mwasikwama sa sikolo. Muzamaisi youmuhulu yabato zwa fasitulo Jerry Beukes, naize kukwalulwa kwa muyaho kisisupo sakuli katengo ka NTA katiselize mwakutusa mubuso nikutahisa misebezi.

Nabulezi hape kuli kuyanduluka kwa sikolo sa ZVTC haki muhupulo feela wakubata kutisa lituto bukaufi mwasikiliti sa Zambezi, kono ki kalabelo kwamulelo wa muuso wakubata kutahisa misebezi, ni kutusa mwakuhulisa naha ni mwanzila yakuzwelapata. Kabunyinyani muyaho nokalile kakuba mafitelo abapoti babali mwalituto kasilimo sa 2015. Hane usa sebeliswi kufa lituto neufetuha kuba mafitelo asicaba. Miyaho ye mibeli nehulisizwe kuekeza kwamizuzu yelobapeli yene ili teñi. “Kutuma kwamiyaho kwabapoti nikekezo yamasheleñi ane ataha, neku kolwisize kamaiso kufitisa kupo kwakatengo ka NTA, kuli kuyahiwe mizuzu yeñwi yelishumi kayemibeli. Muyaho hape uñolisizwe kuba hotela kwa katengo kakatalima zabupoti mwa Namibia,” neku ekelize Beukes.

“Baituti bazabupoti kwa sikolo sa zabupangapanga mwasikiliti sa Zambezi, kanako yacwale bakaikola kuituta zeñata. Muyaho wa lituto kwa hotela ya ZVTC seli ona omutuna mwasikiliti sa Zambezi. Mi hape kiona omutuna kwalikolo zabupangapanga zeli mwatasa katengo ka NTA.”Muzamisi wa sikolo Richard Kambinda naize: “Mapurojekiti amabeli kiabutokwa kakuli nayahilwe kibaituti baluna. Mapurojekiti amabeli nalu likile kubona kuli lukona kuzamaisa mapurojekiti, kono nikona kumibulelela kuli alushengile kuli lube ni susumo yakuekeza kwalituto zababanca mwahala sicaba saluna ni mwanaha yaluna.”