New Era Newspaper

New Era Epaper
Icon Collap
...
Home / Sili mbunga zaswapo zina kara asi kunakulikida asi kuvhura zipangere

Sili mbunga zaswapo zina kara asi kunakulikida asi kuvhura zipangere

2015-02-19  Staff Report 2

Sili mbunga zaswapo zina kara asi kunakulikida asi kuvhura zipangere
WINDHOEK- Yimo, kunakumoneka asi kuvhura zipangere, yimo ana kutanta Presidente Hifikepunye Pohamba. Pohamba siruwo sendi sokukarta asi yige mukurona gepangero kuna kuza sika hage ngesi mokukadana 25 eganeso lyemanguruko mepangero lyombunga politika zaSWAPO. Pohamba katente asi kutunda tupu apa samanguruka sirongo hawe mbunga zaSWAPO kwakara nye mepangero dogoro ngesi, nye kapisi kwakara tupu mepangero kwalikida hena asi kuvhura kupangera sirongo esi nomuhoko gwaso. Ngombunga zaSWAPO, ose twalituramo asi vaNamibia, kupitira mombunga zaSWAPO, elikwamo eli twaturapo mokutura magano moyirugana gahepa kutwikira. Kutameka tupu apa twagusire sirongo esi ndi asi twagwene emanguruko, mo 1990, mbunga zetu kwalikida asi kunakupangera, mokukeverera mpora, nokugava yirugana. Ngesi ose kuna kundindira asi melikwamo aga gaze ngorooro komeho mokukulika monomvhura odo dina kuwiza. Yimo katente Pohamba mosigongi sokabinete, kasikereko momvhura ezi 2015, kembo lyepangero. Nampili ngomu vana kutusivana asi kurugana umbondo, kuna kuza tupire mulyo, ekuliko kunakugenda nakauke, ruhepo, nye twalikida asi ose kunakupangera. Makuye kuna kara asi epangero lyayivhura kugusapo udigu wevhu ntani kusesupika udigu wakara asi pokatji konongawo novahepwekuna kutwima nye kwato tuna kuruganako. Kuna kara hena asi yirugana novarugani, vamitili, vakwayita, vahakuli ntani vaporosi kunakugwan nzambi zonunu, eyi kuna kara nye melikwamo lyaPresidente ogu ana kukawizamo akayitare asi ngapi navakayirugana yipo pakare mpora nombili. Mokukwama Pohamba ogu gakara megendeso mouPresidente, nomvhura murongo, epangero lyaSWAPO, hawe kwarugana omu lyatara asi eparu lyovantu, noveta, nanayinye yavatumbukira yize melikwamo omu vantu navenye navamona asi kuyili yina kuhoroka, yipo tukare asi muhoko gunafundu. Maudigu simpe kapi ganapu, ntani kwato ana kutanta asi kapi tuna kara noudigu hena, monomvhura edi 25 tuna kara asi tuna gwana emanguruko. Ose twahepa kuyidiva asi maudigu nago mogeli melikwamo lyoolyo tuna kara nalyo lyekuliko. Elikwamo lyekuliko kuna kara asi simwe novhura kudiva muntu asi wahepa kuyirugana. Yipo nye yina karere mulyo asi twahepa kuruganesa magano getu natuvenye yipo tutware muhoko gwetu komeho. Noyigongi yokusika koyitano nagendesa, age kuna kumona asi Namibia sirongo sakara noungawo ntani novantu vaso omu yina kumuhafesa age. Age kuna kuyipura asi kwato nayivhura kutukondera, nsene asi tulikwatakaneni kumwe yipo asi ngomuhoko tuzeni komeho. Sitambo sokulituramo tutare epiro yirugana ntani ruhepo, kugwederera mukaro gwoekonomi lyetu, ntani yirugana nye yakara asi yompumbwe, yina kara ngwendi mambo yikasayise, mema gomawa uhaku wouwa ntani erongo kuvhura nye yikare asi tuna rugana nawa mokutura magano getu kumwe yipo nye tuka ruganesa uhwi wetu momuwa yimo ana kugoza ngoso Pohamba.
2015-02-19  Staff Report 2

Tags: Khomas
Share on social media