Yene ili likwambuyu waliluko la mañusa Stanley Simataa, utuhezi musebezi wakuba membala wandu yamilao kapilipili, kasamulaho akusaketwa hala makwambuyu babanca. Alpheus !Naruseb ili niyena yana sika ketwa kwa makwambuyu babanca niyena natuhezi musebezi. Kutuhela kwa musebezi kwa makwambuyu bababeli nekuzibisizwe simubuso kimuñoli wandu yamilao Lydia Kandetu viki yefelile. Simataa nayolilwe ki Gothard Kasuto ili yanali fa 67 famukoloko wabayemeli bandu yamilao bakopano ya Swapo.Kandetu nazibahalize kuli Mubakweli Mueteleli wanaha Nangolo Mbumba, niyena natambekile liñolo lahae lakuhulula mwandu yamilao kasamulaho akukutisezwa fasipula. 

Yene ili mubakweli likwambuyu wa litaba zamabasi Maureen Hinda-Mbuende sayolile Mbumba. Simataa nasebelize kuba Muetapili wa Katengo kakatuna kalituto zepahami kuzwa silimo sa 2007 kutisa 2010, mi hape atoba mubakweli kumuñoli yainelezi, ni muzamaisi mwaofesi ya Sibuabui wandu yamilao. Kuzwa silimo sa 2010, Simataa nasebelize kuba mubakweli kulikwambuyu wa mañusa, kutisa silimo sa 2018 hato ketwa kuba likwambuyu. Usweli mapampili kuzwelela kwa likolo zepahami za Australia ni South Africa. Nafumani mapampili apahami ali likwambuyu wamañusa kwa likolo zepahami mwanaha Tanzania ni United Kingdom. Hane ali likwambuyu wa mañusa nabulezi hala tokwahalo yakuhulisa mayemo abulyambombola mwanaha.