New Era Newspaper

New Era Epaper
Icon Collap
...
Home / Sure za St Boniface vampitisili vazo kugwana mukumo melikwamo lyokukulika umpitisili mokamba

Sure za St Boniface vampitisili vazo kugwana mukumo melikwamo lyokukulika umpitisili mokamba

2018-02-22  Staff Report 2

Sure za St Boniface vampitisili vazo kugwana mukumo melikwamo lyokukulika umpitisili mokamba
" Pinahas Nakaziko Windhoek-Konyara vakarelipo varongwa wokusika ko 26 posure zaBoniface kuna kulizuvha asi awo kuna kugwana umpitisili mevango eli vaturapo lyokuvadeura, awo ngesi kuna gwana nye edeuro eli kali kereko pevango vana kutumbura asi Okatjikona unsitwe merongo ndi meraka lyovakwetu asi Environmental Educatiion centre, lya kara poWaterberg Plateau. Edeuro eli kalitulisirepo mbunga vana kutumbura ai Emene Team Building . Leena Shikongo age katente asi kuna lirongo asi ngapi omu novhura kuuyunga kombunga, ntani asi ngapi novhura kukara yipo opire nomuga mokuuyunga kombunga. Magreth Mangundu katente asi age kalirongere asi ngapi nomuruganena kumwe,ntani ngapi nomulihuguvara, kupitira moyiviyauka nayinye oyo vana mupe murugane kumwe. “ Edeuro eli lyoumpitisili kalivatererenge asi ngapi omu nanitura malikwamo gange ngomuntu nakara asi mukarelipo varongwa vakwetu,yipo simpe asi melikwamo lyange lyoyirugana yosure yiwapenge mokuza komeho. Emene mbunga ezi zina lituramo mokuvatera kudeura nompitisili , kugava mukumo, nokukupa nonkondo mwankenye yihorokwa yombunga egendeso lyankenye sininke mwaza uzuni naunye. Mukurona gwazo pamberewa musesugona, Emilia Emene, age kuna lituramo unene mokuvatera muhoko gwaNamibia omu navatera vadinkantu vana kugwana mpito zokupitisira mosirongo. Age kwakere nare moumpitisili woposure wokulisigasiga, dogoro pononkuru sure age kwakere mpitisili dogoro konombunga nye peke age kakere mpitisili apa ngesi kuna kuronga nye vampitisli ponosure ngovanona yipo asi vadware mudwaro goumpitisili. Epongo eli kavalitulisirepo yipo vaturonge yininke yokulisiga siga yipo asi tudiva kurugana nampili moudigu ono kara.Katugwene omu nompitisira morupe rokulisiga siga, mokuuyunga kombunga, omu nolihuguvara nyamoge, kugendasa moudigu nokugakohonona, egwanekero , kuruganesa siruwo ntani kuruganena kumwe. “ Nomurundi kwakara nkenye oku, nye twahepa kudiva asi koveli vamwe kukasika nkenye oku gwakahagera murudi, unene kugusapo maudigu ntani kuretesapo nye nompito dokulironga moumpitisili, ntani ukaro nye wanyamoge yipo nye asi yina kara mulyo mokukulika Namibia, yimo na kutanta Imene. Elikwamo eli lyovadinkantu kwaligendesa nawa mokupameka muntu, eyi yina kuvaninkisa asi varongwa ava ngesi kuvhura nye vakagendese nampili moudigu vana kara. Mukaro ogu gwaninkisa vantu wovanzi vakakare nye pwavene vasige eyi yavatumbukira mokuvatera vakwawo.Vatera sikasama esi ngasikalivatera komeho ogo pwasene mokukaronga vakwawo mukaro nago peke."
2018-02-22  Staff Report 2

Tags: Khomas
Share on social media