Easy access at the tip of your fingers, subscribe to our daily ePaper version of our New Era Newspaper.
Home / Taba ya Lutalelo ikazwela pili mwa kweli ya Muimunene
Taba ya Lutalelo ikazwela pili mwa kweli ya Muimunene
2017-08-21Staff Report 2 Nuusita Ashipala Oshakati-Taba ya muzeko wa Bester Matengu Lutatelo wa Lilimo ze 45, yanyaziwa kamilatu ye silela ya kucisa, kuyangula, kubulaya, kunata, nikufumbela kunata nepalile kuzwela pili mwa Khuta ya Oshakati Labubeli. Muatuli Marlene Tommasi nashimbululezi muzeko kala 21 Muimunene ili kulumelela Muyemeli wa yanyazwa kuitukiseza, hal’a litaba zene patuluzwi muzeko hane ubato kala. Muyemeli wa yanyazwa Phineas Nsundano natolokezi kuta kuli nasika itukiseza kuzwela pili nimuzeko, kakuli ba muuso neba mupatisize. Naize ba muuso neba mungotozi kabupaki kuzwelela kwa lipaki zenca hane kusiyezi mazazi amane kuli muzeko ukalise. Taba yeo ne ezizwe cwalo nihane kubonahala kuli bupaki bo nebufumanwi mwa kweli ya Lyatamani silimo se. Muyemeli wa Muuso Taodagog Gaweseb naize muyemeli wa pili yana yemela Muuso, namutolokezi kuli taba yabupaki bo nese lemusizwe muyemeli wa yanyazwa, isiñi kazene ezahezi mwa khuta. Lutalelo utalimani ni milatu ye mibeli yakunata. Ukulubelwa kuli nacisize ndu ya Kalimukwa Sabrina Mpambo niya Lota Anna Kusimbukwa kamulilo, kutisa lisinyehelo zefita fa N$ 80, 000 kwa munzi wa Sikwekwe mwa sikiliti sa Zambezi la 22 Mbuwana 2015. Unyaziwa hape kamulatu wa kuyangula kaku kulubelwa kuli nakwalile sikwalo sa Kusimbukwa mi amupaleliswa kuzwa mwandu hane isweli kuca, cwalo ashwela mwateñi. Kataba yeo utalimana nimulatu wa ñambekelo wa kubulaya. Lutatelo hape utalimana nimulatu wa kunata kakuli kukulubelwa kuli na natile Mpambo, hamoho cwalo ni mulatu wa kufumbela kunata kakuli nafumbela kunata Sifu Obrien Nchindo kaku mutaba lilumo. 2017-08-21Staff Report 2
