Home / Tapwaga Kapenda Tahwilire Muheua Tapwaga Kapenda Tahwilire Muheua
Alpheus Muheua na Evalistus Kaaronda kava fundire ma-horoworo goupresidente nou-hamutjangantoni wombunga zovarugani NUNW, mono vili tupu dongurangura momandaha mokongres zombunga ezi zaune. Muheua na Kaaronda kava fundire vahana kumona ma-rumbasano gomadigu, kongres ezi hambara zikahage nomaum-bondo. Muheua kwamutumbwire nombunga ntambali dovarugani edi dahamena kombunga ezi,asi akare presidente kapi kakere no-muntu ana kumutjilisa konyima tupu apa Connie Pandeni kahukiremo ogu vatumbwire wombunga zovarugani woko-nomina age hena yige gakere kandindate govamitili ndi asi NANTU ava vatente asi awo ngava kagava kandindate gwa-wo monda zosigongi nye kapi kayivatompokere. Vamwe va-zigidwa vaNANTU kava pwege momosigongi yipo kava tokwere asi kapi vana kuhamenamo monongendeseso nadinye konyima apa kavamwene asi kandindate gwawo Risto Ka-penda kwato mbunga zovarugani nampili zongandi kazi mu-tumbwire. Kaaronda nage kapi kakere nomuntu ana kumutjoka -tjoka asi nage ana hara evango olyo lyouhamutjangantoni morwa age kwamutumbura nombunga nadinye ntane. Kongres ezi vandindira navenye kazitame-kere vanamwena,awo kavakere nomurarero kohotera zaSafari moWindhoek,oku kava kere konyara masere gane kava kereko. Nampili ngoso mo-mapeu kayilitjindjire napresi-dente gwawo gwanare Risto Kapenda apa kavazegwilire kongres ezi paveta. Presidente ogu katundiremo katamekere nononsumo dekondjero man-guruko naninye tahaura mauruwi govarugani ado kadikere doku tumbura yirugana yoyiwa pwa-hana ufuki.Kongres ezi kazizeg-wilire presidente gosirongo kamarada Hifikepunye Pohamba ogu kakandindilireko kamarada Sam Nujoma. Kapenda ogu kakere asi yige kagendesere sigongi esi saNUNW morwa ku-kara kwendi asi presidente gombunga ezi kareterepo siuyun-gwa sokuhamena ehagekeso lyo mukwatelimo hamutjanga ntoni gwanare Peter Naholo pelik-wamo lyosigongi. Vamwe kava geve egano lyawo asi Naholo kapi vamu-horowere mokongres yiponye asi kapi vana kumona mpito asi ayunge yoku hamena keha-gekeso lyendi. Kapenda kafun-dire apakageve mpito kwa Na-holo vamupurakene asi nani nga-pi yagenda yokumuhagekesa nampili ngomu asi Naholo kwamusilika kuya kara pepongo eli. Naholo kakatukire ngano auyunge nye vamwe nare vana tameke asi hawe,hawe,hawe komeho atumbure nkango vantu yiyo kavagusireko mahina zokuuyungira. Kongres yiponye kazitamekere zikare zinayuka kokuzonauka apa Kaaronda kahokwene siyungiro esi moma-woko gaNaholo yiponye kongres kava tokwere asi Naholo va-mugusemo mepongo eli. Awo simpe yipo kava mutjilisire asi nsene kapi ana kutundamo tava zigida vaporosi nsene kapi ana kuvasiga nombili. Mauruwi yipo kagatamekere kuliruga nye unene mosala zevango oku ava lirongere va-mitili moWindhoek,vamwe ava, ava popere Naholo kavatokwere asi tava pwagamo nsene asi udi-gu waNaholo kapi vana kuuli-yonga. Udano ou kapi kauhage-rere opo morwa Naholo nova-hameni vendi wongandi kava pwegemo. Vaporosi kava vazigi-dire vayakeverere pevero asi vantu ava vanatjidamo vahepa kuvakondera vahahwiliramo ndi asi ava vana kureta ndjorongani vavagusemo mosala. Kongres yipo kava geve etokoro asi awo kapi vana hara Kapenda siruwo sooso yipo kavamuhokwene yiu-yungira nounasipundi kuumu-gusa yipo kava upere Muheua. Posiruwo oso mapiyagano kuna kuligwederera yiponye asi vaporosi nawo kava kere tava rugana evero kalikere vanalid-wereke yikoverero youkwayita. Nampili ngomu asi vamwe wovasesi kava dukiremo nye kava kere tava heradara po-muvero sigongi kasitwikilire nokupulisira siuyungwa sombunga ntjima ntjima zo NUNW. Kongres nazo kazi hagekesere yitundwamo yono-komiti dokulisigasiga ram-bangako yitundwamo yoyima-liwa. Mahoroworo aga vatulire pelikwamo asi gakare mo-sondaha mutenye kwakatameka mosondaha masiku po vili zomurongo nazimwe. Muheua naKaaronda kavafundire maho-roworo uwaawa,ano siruwo sooso David Namalenga kava-muhorowere asi presidentegona gokuhova. Elias Manga kava muhorowere asi presidentegona gwauvali, ano Pandeni ogu kali-gusireko mwene koupresidente kava muhorowere asi goyima-liwa. Stella Louw kavamuho-rowere munona gweyi yoyi-maliwa ano Erago Tandus kava mupere hamutjanga ntonigona. Elitavagano pokatji kaNANTU na MUN kayipulisilire NAP-WU, NAFINU, NAFAU, mbunga zovamusika, NATAU vapangere nokutura elikwamo lyosigongi. Epongo eli kalitengwire mompepo zongwa nokuzogera nawa. NANTU kuna kuliwa-payikira aka kare nokongres zendi kwedi oko kuna kuwiza azo ngazikakerera koKatima Mulilo simpe kuvhura oyigazare asi mbunga ezi kazi hamenene kwaNaholo tazi kamona siponga omu nazikazumbanesa hena kwavaava kava kere asi yiwo kava fundire mokongres za-NUNW ezi kazipwire sinkwa ntani. Ava vadiva upolitika kuna kutanta asi kongres ezi kazipwire kuna hugura zira omu yina kumoneka asi kongres zo-SWAPO mvhura ozo nazo ngorooro ngazi kakara.
Your experience on this site will be improved by allowing cookies.
