ǂHanub ge ǂhanusise go xoaǁgui, marina sâus !nâ nî hui ǀgaugu hîa ǂhanub berodi di ǂaitani-aon, ministern tsî ǁîn !nakaǂnôan nî ǁîn 4x4 autoga nēsisa xu sîsenūs !aroma ǀgoragusa !khōǂgā hâse.
ǂGuro-i ge mâ-i hoa-e ǁî-i 4x4 autoba ge ūhâ i.
Nēs xōkhās ge ǁkhāti !khauǁuib hîan !kharu ge kurigu ǁaeba mîǁguisa marisa ūhâ tamase gere sîsenūb tsîna, nēsi 640literga kai auto-i !aroma tsî sedans !aroma 420literga ǁkhâba nî māhe. Ministern tsî -ǁîn !nakaǂnôan tsîn hoan ge !gaehes ǀkha noxopa Mercedes-Benza nî hō.
ǁNāti ī asa ǁgaragu hîa ǂoa ge wekheb !nâ ge ǂanǂanhegu ge marimǂuis ǀoroǀoros ai a !gaoǁguisa.
Kai audon ge ǁkhāti amabes !nân ǂkhari-auton hîa ǁnāti ī minister-i tamas ka i o ǁî-i !nakaǂnôa minister-i sîsenūs !aroma māsa-i a !nari ǁoapa ǀgui nî sîsenūhe,” tib ge daoǁgauba ra mî.
“ǁKhātib ǂhâsib !naris diba nî hâs kara, o-i ge ǁnā beros mâisa-e sîsenǂgaekhâib proxramma ǁnāti ī khoe-i hîa !ereamsa ǁnās ǂnamipe tani hâ-e nî ǁgui-ai!â.”
ǂHanub beros ǂaitani-aon ge sao ra khoena !khōǂgā hâ: ǂguro ministers, mîgowaba-aob !Haosi ǂNûs dib tsî !nakaǂnôa mîgowaba-ao-i, !Haosi ǀAwemā!nans aiǂnû-ao-i tsî !nakaǂnôa-i, ministern tsî ǁîn !nakaǂnôan, auditer xenerali tsî direkteri xenerali Namibia Central Intelligence Service (NCIS) dib.
Auditer xenerali, direkteri xenerali !Haosi ǀAweǁguib ôa!nâ!nans (NPC) dib, ǂhanusi Mâ!oa ra ǂgiǂgo!nans ǂgaeǂgui-aob, ǀkharisi mûǂamaon, ǀkharisi ǀawemā!nandi aiǂnû-aon, ǂHanub !Oabas ÔA!nâ!nans aiǂnû-aob, !hūb di -ǁûb ǀawemā-aon tsî ministern ǀō-aisa ǀawemā-aon tsîn hoan ge ǂhanub beros ǂaitani-aon !âba ra dīǂui.
Ai!â nē ra mîhes ge, hana-i mā-amsa maris !khauǁui-e ǁnā ǁkhâb !nâ nî sîsenūtoahe tama nî is kara, os nē marisa sao ra ǁkhâb ǁga tani!kharuhe tidesa.
!Hūb di ǁÛb, Hage Geingob ge ǂoa ge kurib !nâ koro kurigu -aeba, ǀasa auton nî ǀgapi ǂgiǂgosi ǂaitani-aona ǁamabahesa ge ǂkhā in ǁnā marina coronaxoxoros !khamǂuis !aroma sîsenūhe, tis ge beros âba ge mî.
Presidenti beros mîgowaba-aob, Alfredo Hengarib ge ge mî, ǀasa auton ga ǁamahe tama i, os ǁaupexa N$200 miljunsa ǁgariǁgarisa ǂhâsin !hūb !nâ hân !aroma a sîsenūhe ǁkhāsa.