New Era Newspaper

New Era Epaper
Icon Collap
...
Home / Tupeni simpe nomvhura ntano- yimo ana kuhundira Geingob kovahorowoli

Tupeni simpe nomvhura ntano- yimo ana kuhundira Geingob kovahorowoli

2019-10-17  Eveline de Klerk

Tupeni simpe nomvhura ntano- yimo ana kuhundira Geingob kovahorowoli

Peniko simpe mbunga zaSWAPO nomvhura ntano, yipo simpe tutwikire nompora, ukumwe nomukaro gomuwa yipo tukakare noekonomi lyewa. Omu natukeverera sirongo setu nokupa mbunga politika zaSWAPO nomvhura ntano dokomeho vatwikire kutwara ekuliko komeho. 

WalvisBay – Kandindate gombunga zaSWAPO momahoroworo ogo gana kuwiza Hage G. Geingob momapeu kahundilire asi simpe vana pumbwa nomvhura ntano edi vana hara kurugana varuganene vaNamibia. Yina kara asi mulyo mbunga zendi zisikisemo mosirugana nayinye eyi vatameka. Geingob kahuyungire nonkango odo posiruwo sepongo lyawo elikavakere vantu wovanzi mosira saKuisebmund modoropa zaWalvisBay, omu mbunga zaSWAPO kazikatulire elikwamo lyazo lyokukondjera efundo momahoroworo gana kuwiza mokwedi November mvhura zeezi. Mwahepa kupa mbunga zaSWAPO nomvhura ntano tutwikire nompora, ukumwe nountungi simpe tukondje noudigu Wekonomi nokukevera sirongo setu Namibia. Mwahepa kupa mbunga zaSWAPO simpe zitwikire kurugana eyi zatameka, yimo ngoso Geingob ana kutantera vantu kavakere pepongo lina momapeu gana puko.

Mokukwama mwendi Geingob, kwato mbunga nkenye zokuvhura kurugana eyi garugana SWAPO ntani eyi ana kugazara kukarugana mokukwama tupu megendeso ntani kupangera tupu sirongo esi. Kwato mbunga politika zokuvhura kurugana kupitakana ose. Yilye walye gokuvhura kuyapangera ntani nampili kuvhura kuyarumbasana nose? Kupangera kapisi yininke yokudanena. Kapi yakuliza nokuhuyunga tupu, morwa kuvhura kuhuyunga nye kwato eyi ono kuzumbanesa. Awob kapi vayiheteka rumwe ntani kapi vayimona asi ngapi omu ava tura magano moyirugana,ose twayidiva morwa yiyo twarugana nomvhura nadinye edi 29 dakapita. Ose kapi atukara nomatumbwidiro goyimpempa ntani kapi atuhuyunga tupu asi oyo tatukayirugana. 

Ose kugava nokonda nomu ngatukayirugana ntani kutambura nsene kapi twayirugana makura tatuhundire asi twahepa tukawapukurure. Geingob katente asi mbunga zaSWAPO kapi azihundire vantu vazihorowore nye kwakara nayimwe eyi vana kuvhura kulikida. Yiyo nye asi nayinye oyo kuna kulikida morwa elituromo lyetu. Elituromo lyetu kuna kara nye mombapira zetu ezi tuna kutumbura asi Manifesto muna kara asi yinke natukaruganena vantu vetu, yina kara asi kuna kuza tukaturepo malizuvho patjangwa none asi yinke tuna kukamuruganena. Mokukwama yirugana eyi twarugana, nyose like wokuhuguvara wokukulika sirongo esi ntani tuna kara nomagano asi ngapi tuna kuza komeho. Ose kapi twakara asi kwatunga pamwe tupu nye kuna kuza komeho moomu una kukura uzuni. Mbunga politika musinke muna kugazara asi kuvhura zirugane yangoso? Mokukwama mwendi Geingob, mbunga zaSWAPO zelike omu mosirongo zakara asi nkenye muhoko moguli mombunga zaSWAPO. Yipo nye asi mwahepa kukahorowora mbunga zaSWAPO, zompora, ukumwe ntani ekuliko. Horowora mbunga zaSWAPO tuwapukurure ekonomi nekuliko eli twatameka. Horowora mbunga zaSWAPO yipo tukunge sirongo, sikare mompora yimo ngoso ana kuhundira vantu navenye. 


2019-10-17  Eveline de Klerk

Tags: Erongo
Share on social media