• November 19th, 2019

Uuvudhiya kuna kara nye nonongombe dina kufa


Uvudhiya – Mberewa zakansela momukunda Uvudhiya momukunda horowero Oshana,yina kara asi mvhura ezi nongombe nadinye yiko dina kaponga dokomuzogo morwa aka kwakara maulisiro gomawa, ngesi kuna kara nye evango dina kufira nongombe morwa wayi una puko. Ngesi kuna kara asi evango eli kapi lina kara nowayi hena kakere komavango gavali aga vamanga darate vantu pomundinda gwawo alyo hena enene lyelike lina kara nowayi. Ngesi nepu ogenda monzira hawe tomono tupu nongombe dokufa nsene asi tosingi mononzira nye dapita moUvudhiya mwene. Evango lyokuhova nogwana Engombe, nongombe dokufa murongo katudigwene pevango limwe tupu. Ano kutunda nye opo togwana nye nongombe dina fu pwankenye kanona nogenda. Odo nongombe nye dina kufa konyima tupu zokunwa mema. Valisi wonongombe kuna kutanta asi nongombe kuna kufa nepu dikara asi mazuva gomanzi ganapitipo ntani dona kuyanwa mema. Ministeli zonondima ngesi nare vana pongayike yimbilingwa yokusika ko 300, nongombe edi vapira kudiva venyado, yimo ngoso vana kutanta. Kupongayika yimbilingwa kuna kara asi ministeli zahepa kudiva asi wolye venya nongombe edi. Nampili ngomu asi mbudi vazigwana asi vanandima vahepa kutjangesa nongombe dawo simpe koveli vana kara asi awo kapi vana kuyirugana nosiruwo. 
Nsene nye ozamo unene, hawe tokagwana simpe asi vantu kuna kulitangwisira evango lyokulisira. Nongombe nye nampili ngomu ono kumona dina kufa, simpe dimwe kuna rara dindindire tupu nomfa. Eyi yina kara yimwe yomutaro kuna kara asi nyama kuzigwana omu zina kara ntani dimwe nye nongombe dina kufa edi vana pilire kudiva venyado. Simeon Amunime gumwe mulisi nongombe, katente asi awo vanazumbanesa nongombe dokusika ko 60, kutunda tupu mwaNovember dogoro ngesi. ‘’ Ose ngesi tuna dirundurura pomavango gokulisigasiga patatu. Udigu kuna kara asi nsene evango olyo lina kara nowayi mema pwato, ano apa panakara mema wayi pwato. Yimo ana kutanta Amunime. Age katente asi nongombe ngesi kuna kuza dogoro koOkatyali nye dahepa kukatengura mazuva gatatu diyanwe mema. Vavanye vana kara nomahauto ndi nougendero velike vana kuvatera nongombe dawo morwa vahepa kukadiretera mema kooko dina kara. Gonomvhura 71, Junias Iipinge katente asi age kapi gamona ruteni ngwendi roru rwanamumvho. “ Kwakere ruteni nomvhura dakapita nye kapsisi ngwendi roru. Yimo ana kutanta Iipinge. Iipinge katente asi age anazumbanesa nongombe murongo momakwedi gavali tupu. Muholi zange kwawizre nonongombe ntambali ngesi kwato dina hupupo, yimo ana kutanta Iipinge. Mukwawo zendi Simon Matheus katente asi kapi nage gamona ruteni ngwendi roru. 
Mathews katente asi sinzi sonongombe dina kufa dodo dina kara asi kapisi dopomukunda ogu. Dimwe komeho diyasike apa nare dina roroka morwa kunagendi sinano sosire , ano edi dimwe nare dalya yininke yoyidona ngwendi yipalstika, yimo ngoso ana kutanta Mathews.


Nuusita Ashipala
2019-09-12 07:53:50 | 2 months ago

Be the first to post a comment...

You might also like...