New Era Newspaper

New Era Epaper
Icon Collap
...
Home / Vakurupe womosirongo kavagwene uhwi wonondja

Vakurupe womosirongo kavagwene uhwi wonondja

2017-12-14  Staff Report 2

Vakurupe womosirongo kavagwene uhwi wonondja
Selma Ikela Windhoek Sitata saVenduka kumwe nondango zegendeso kavatekwire konyara vakurupe wokusika ko260 vakurupe omu kava vapere nondja valye muzuhwa mokudana Kilikimisa komeho lika sikemo ezuva eyi kayihorokere moutano umwe wakapita omu kavavapere kamuzumo konondja.Ndango zodoropa evango lyawo lyoyigongi kalikere lina zura omu vakurupe kavalituliremo vawize kumwe nokuyalya muzuhwa novakansela vawo. Poslika oso, mukurona gositata, Muezee Kazapua katente asi ose ngesi kuna kuza kehagero lyomvhura omu yina wapere asi twahepa kutara asi yinke yatutompoka neyi yapira kutompoka nokutara asi ava vakara nomukuma ntani vakurupe vetu posiruwo simwe kumoneka asi kwavasigilira unene vava vakara asi nekoro lyawo vakara modoropa, morwa mukaro nye gwangoso mberewa zendi yipo zatokora asi vahepa kutulisapo elikwamo lyangesi. Ose simpe kuna kudiworoka eyi varugana posiruwo sawo, kapi yina kumoneka asi tatukayizuguma yize momema. Mompito nye zangesi, ose kuna kumupa mukumo asi one vatungimo vetu, ose tuna muhafere unene, ntani ose kuna lituramo mokumuvatera unene. Yimo ngoso ana kutanta Kazapua. Mukurona gositata, simpe kageve mbudi asi ndango zegendeso doropa vapulisira vatjindje yikarata yorutjeno yitunda mweyi yanare yonometa yize koprepaid meters. Ndango zodoropa kwatura meyereko yimaliva yina siki konomiliyuna N$3 koprojeka ezi meyereko lyosimaliva lyomvhura ezi, yina yina kumoneka asi yikature mosirugana elikwamo eli lyokutura prepaid meters. Sirugana sangesi tasikatameka nye keatameko tupu lyomvhura ozo. Ninkeni nye niruganese siruwo esi mokuhundira vakurupe navenye nsene asi koveli vapira kuturamo mahundiro vayirugane nye ngesi, morwa kapi tuna hara tusigeko mukurupe gumwe kelikwamo eli. Yimo ngoso ana kutanta Kazapua. Apa nye tuna kuuyunga ngesi konyara mambo gokusika ko7 300 mokugapakerera kuna kara nomakongo kwaMunisipaliti gokusika konomiliyuna N$37 ngoso gorutjeno gelike. Kazapua simpe kayinkondopekere asi gositata simpe tasi kagava ugendero womawokowoko kovakurupe vatunga mositata ntani vamwe ava vakara momuhanguro vana kutumbura asi goruhepo. Ose kwatura etokoro eli melikwamo lyewa ntani kapi hena ngatulimogusa, yimo ana kuvapa ngoso mukumo. Vakwatesiko vamwe wosilika esi mugolikadi gwaPresidente kageve rise zokusika ko 600 zo 5KG, ntani macaroni, mbanga zaStandard Bank kwagavako N$50,000, mobi pay N$10, 000 ano ARK Trading azo kazi geve nondorohwa dokusika ko 30 yipakote yonomfi. Hilke Amunyela, gonomvhura 85 mukadi gatunga korukanda rwa Goreangab, kapi kavhulire kupungura ruhafo rwendi komauwa aga vana kugwana vakurupe ntani silika nye esi vanavatulirepo ngesi. ‘’Ose kuvatera ava ava tudiworoka. Karunga vatungika. Ose ngesi kuna kuza tuka gwane nondja donongwa, eyi tuna diva asi kuna kutuvatera vantu vetu.
2017-12-14  Staff Report 2

Tags: Khomas
Share on social media