• July 13th, 2020

Vana sure kavavatulire kevango lyekeverero


Varongwa vane wovamati womosure Swakopmenu secondery school nkera kavavakonakonene kokambumburu koCovid 19 konyima tupu opo kavalikidire asi awo kuna kara nouvera wesakisa -vana kutjangwilira asi kuvhura kukara uvera owu ngesi vana vatura mosipangero sepangero.
Mokukwama nye mbudi ezi kavatumine zelipakerero mukurona goministeli zoukangu ntani mukurona goministeli zerongo, kuna kutanta asi vamati ava vane kuna kara nye monzugo zavene velike omu vana kundindira elimbururo lyawo.

‘’ Mokugusapo tupu etukuko negazarero, etokoro kuna kara asi vahepa kuvagusa mazeze naymwe ngoso yinonena yipo awo vava konak one kouvera ou covid 19, yimo ngoso zina kutanta mbudi. Vanamberewa kavatente asi eli yilyo elikwamo limwe vana kara nalyo melikwamo lyoukanguki yipo asi vagwederere kukonakona. 

Etokoro lina karapo ngesi kuna kara asi kwato gumwe ogu vana kupulisira atunde pevango lina lyosure dogoro vana diva nawa nawa asi yitundwamo yawo ngapi yina kara. Ukanguki wovanasure navenye vakarmosure ezi kuna kuukeverera vakurona novanekoro navavape nombudi moomu dina kuhoroka. Ministeli zerongo kazitente asi nazitantera vakurona nkenye marunduruko naga wizapo nkenye apa tupu nayikara asi nombudi vana didiva nawanawa.

 ‘’ Nsene asi kweli mukurona ana kulizuvha asi takagusamo munwendi dogoro mukaro ngaguliture, hawe nawa tupu mpito zina zeguruka mokurugana ngoso, yimo zina kutanta mbudi. Vanamberewa kuna kuhundira vantu asi guvadame posiruwo oso vana kara asi awo kuna kutara mukaro ogu oku guna yuka. 

Nsene asi ono kara negano peke kuhamena munoge ogu ana kara posure ezi, ndi sure nkenye zina kara moSwakopmunda ndi moWalvisBay, kuna kumuhundira mugwanekere novena vawo kuvhura kugwanekera namitili ndi muntu ogu vana kupe asi yige gumwe nomuvhura kugwanekera nage. 
Epangero kuna kutanta asi sure ozo nazikara tazigwanekere kumwe nekoro siruwo esi tuna kara soudigu wouvera ou. – sikela@nepc.com.na


Selma Ikela
2020-06-11 09:41:20 | 1 months ago

Be the first to post a comment...