2008-03-26Staff Report 2 "MoOshakati valise wonongombe wo kowambo ava vaturapo mbunga zawo vana kutumbura asi ""Ovawambo Herders Association"", kava tente asi awo nava kwama veta zompanguro zonene omu vavatokwera asi vatundemo mevhu lya Ukwangali mo Kavango omu ava lisire nongombe pwahana asi paveta. Awo kava yitente eyi mombapira ezi kavageve kwa presidente Pohamba omu vana gava manyengenyo gawo. Awo simpe kava geve ruguwo rwawo omu vana kuvatekura morwa ekaro lyawo ponomurudi gwa Ukwangali, Ohangwena na Oshikoto. Ntani awo kava pulire ngendeseso omu vagava yitundwamo yoko mpanguro zonene, omu kava tente asi awo kwayizuvha tupu kovanambudi.""Eyi kwawizire ngwendi zondi yipo nye asi ose kapi tuna kuyizuvhira mbili morwa sinke va pira kututantera kupitira mwahahende gwetu. Awo kavatente asi kwawiza mevango lina kutunda 1980 dogoro 2000. Ose kwaziremo nepulisiro lyahompa gwaUkwangali mo 1980, no 2000, kapi pwakere nomutangu nampili nakauke. Ano kutunda tupu mo 2004-2005 yipo twa tameka kumona udigu ou wokututjinda asi tutundemo. Nokutantera asi ose kwa wizamo pwahana epulisiro. Awo kwageve runyengenyo rwawo kovanguuru ava vavali gwa Ohangwena nogugwa Oshikoto nye kwato eyi vazuvha ko kwawo. Mo 2004-2005 kapi twatudiremo morwa twadivire asi ose kwawizamo paveta ntani nokumwesi natuza morwa mukunda gwa Wambo kwaturako nodarate. Morwa kunyokanye kutundamo komotiye zevhu lyomo Kavango yipo vatu tuliramo marapato. Morwa etokoro eli kapi lyakere lyokompanguro zonene hawe ose yiyo twanyokere. Awo kuna kutanta asi veta ezi kwa wiza moyirugana mo 2002, ano awo nare vakara pevango lina. Yipo twayimwene asi kwato mukumo veta ezi. Awo yiyo kava tanterere Presidente asi mo 14 Sindimba 2006, ose kwatwere komitiye zegendeso evhu lyaUkwangali kompanguro zonene. Ano mpanguro yipo zakatokwere asi vatengure vakalisiremo moomu tupa ava lisiremo pwanare. Ano etokoro nye olyo VaUkwangali yipo vatokora kulirwanesa, omu twakakere kompanguro mo 28 Mangundu 2007 pwahana etokoro. Ose kuna kuhundira Presidente Pohamba otupopere yipo asi ose tutengure oku twatunda nsene kapisi Va Namibia ose. Egusomo lyawo kali kere momapeu 15/03/2008. Nongombe dawo kavadisingire dogoro komurundi gwa Kavango, Ohangwena na Oshikoto. Munasipundi govanahambo Vilho Hamunyela kageve mbapira zawo zorunyegenyo komukwetelimo munamberewa Daniel Kashikola mevango lya Usko Nghamwa Nguuru gomukunda. Nguuru gwa Kavango John Thighuru, Kansela gwa Kahenge Joseph Sivaku na kansela gwa Mpungu David Hamutenya nawo kava kere po apa kayi horokere eyi yegusamo no ngombe dawiza pwahana asi paveta. Konyara Vanahambo wokusika ko 30 kava tundiremo noyimuna yawo, awo ngesi kuna kara tupu nye pevango apa pana pilire kuwapera. " 2008-03-26Staff Report 2
