Easy access at the tip of your fingers, subscribe to our daily ePaper version of our New Era Newspaper.
Home / Vanayirongo kavavakwete awo kuna kukanderera mongereka zawo
Vanayirongo kavavakwete awo kuna kukanderera mongereka zawo
2015-07-23Staff Report 2 Kapa kere eruganeno kumwe pokatji kovaporosi vaNamibia ntani varugani yatumbukira yovanayirongo omu kava tere asi ven ava vana yirongo ngapi vagenda vayagwane nongereka moWindhoek. Eyi kayitwarederere omu kavakwete vantu wokusika ko42, vantundwa yirongo mosondaha, konyima apa kavavagwene asi awo kwakara mosirongo pahana asi paveta. Awo kava kere murongo nomuyu vakeke ntani vanona kavavakwete kumwe novazinya vawo. Owo kavakwete kuna kara 39 wontundiliro zokoZimbabwe ano vatatu wokutunda moAngola. Silika sawo esi somosondaha kava ndi kusiruganena poruzera moyihwa monondundu daWindhoek, eyi kayitwarederere vaporosi vakare negano lyokuvagazarera nayo peke. Erugano eli kalikere megendeso lyomukurona moKhomas gakarerapo nkarapamwe Christian van Dunem Fonsech, omu kagendesere mbunga ezi zovaporosi novakarelipo vadinguli mosirongo. Fonsech katente asi vakadi ava novena vawo kuna vatura membo lyepangero vandindire kuvatuma kosirongo sawo.Age katente asi sinzi sowo vana kwata kapi vana kara nonombapira dokuwizisa mosirongo. Vamwe vawo ngesi nare vatameka kurugana momambo govaNamibia. Yimo ana kutunda. Fonsech, kureta magazaro peke nsene asi vantu vaponga moyihwa ntani nayi vana kurugana kwato ogu ana ayidiva. Awo kuna kutanta asi yimo ava yirugana moZimbabwe ntani awo kuhakura vantu vaveruke nkenye uvera ou gakara nawo muntu, kupitira momakanderero. Sinzi sonongereka kuna kupiyaganeka vantu, vantu vamwe ngesi kapi vana kuuyunga novamusinda zawo, age katente asi vaporosi vana divako Yuma koyihorokwa yangesi dina kuruganesa nongereka. Fonsech katente asi nare gagwana marapoto asi nongereka dimwe kuza peyendo makura tavalikuhu, nokupitisa masini mekende. Gumwe ngesi kapi todiva nye asi vene ava vana ngereka ndi yimbanda. Mukurona govaporosi koruha ronoveta George Mahoney, katente asi kapi yina kara paveta nongereka diruganese yirugana yado moyihwa, nsene asi ngoso vahep kugwana epulisiro kegendeso lyodoropa ndi komuntu ogo gaweka evango olyo komeho vakaruganeseko yininke yangoso. Ndango zodoropa vavapulisira ndi hawe? Eyi kapi yina zere.Tuna heap uzera yimo ana kutanta Mahoney. Nampili moomu vana kutanta asi awo kuna kukanderera, nye vagwana epulisiro ndi hawe? Mokukwama asi varuganese elikwamo lyawo nawo ngesi valitjangesa ndi hawe? Pausili twahepa kukara nelikwamo lyokutarurura. Ose kwakara nonongereka nye ado kwalitjangesa. Yimo ana kutanta Mahoney. Siruwo nye oso kavakere nelikwamo lyokutara asi yinke yina kuhoroka vamwe wongereka zaJohane Masowe Chimwetechete kavadukilire moyihwa nokonondundu apa kava mwene asi vaporosi vana wiza. Owo kavapilre kuduka kavakere vanona novakadi, ano vagara awo kavadukire. Erugano lyovaporosi kalitamekerere korukanda rwaOtjomuise. Evango lyenunu kwalizeresa yipo nye ava pongere. Koyiha youpumezuva kwaturako sikuruse ntani nopara nye edi vakwita enoto, yina fana ngwendi muntu eyi ava tanta asi kuhakura nye vantu. Ano vamwe kavavagwene komuzogo godoropa ndi asi sitata. Apa nye kavagwene vaporosi awo kuna kudoimba nokukanderera. Sinzi sawo kavakere vaZimbabwe owo kavadwere mudwaro gomuzera gomure dogoro komaguru. Awo pomuhowo kavatente asi ngereka zawo kwaziruka Johane Musower nye konyima tavatjindji asi yizo John Friday Apostolic. Mukurona nye ogu kakerepo katente asi evango eli kwalivalikida Karunga, yimo ana kutanta Lucknodge Moyo. Nokurundira asi vaporosi wositata vavapulisira varuganene ngereka zawo pevango lina. Age katente asi nsene oruganena makanderero pevango eli Karunga takuzuvhu, moyihwa omu. Age katente asi vantu vendi sinzi sawo vaNamiba novaZimbabwe, nye kapi vasilika nkenye ogu kuwiza tupu. Gumwe gwawo katente asi awo kukanderera vaveli ntani wokurota, erago nayimwe ngoso. Johane Masowe Chimwechete, mpitisili gwawo Agnes Mkanza katente asi awo kwagusa nondundu morwa ure kwankenye gumwe. Ose kukanderera kwaKarunga. Kukanderera mowiza. Yimo ana kutanta Mkanza ogu ana kutantera vaporosi asi age kwakwara mugara gomuNamibia. 2015-07-23Staff Report 2
