• September 24th, 2020

Vanyandi komundiro moOshikango kavagwene mbatero


Ongwediva – Mbunga zovanangesefa zovaChina vakara moOshikango moutano kaupwire kavageve uhwi wononguhwo nomatarese komapata aga ntambali morwa mambo gawo kagapire komundiro sivike sooso. 
Mbunga ezi kazigendesere Cao Shuhua, mwenya gevango eli the time square mall modoropa zina. Mukurona godoropa, Eliaser Nghipangelwa, katente asi nombete mbali nado kavadigeve nye simpe kuna kuninka tupu marongikido vayadigava, ngo ndango zodoropa simpe kuna lipyakidire vagwaneko uhwi umwe. 

Mundiro ogu kagugureteserepo morwa rutjeno karupire membo limwe. Kapi kamukere ezumbaneso nomwenyo mosimpagwa sangesi. Vanamapata ava kavamwene runyando ngesi kuna kara motende ezi kavagwene kondango zegendeso mukunda zaOhangwena. Nghipangelwa simpe kahundilire vamasamaritani vamwe asi simpe vawizemo vavatere mapata aga gana mono kanyando. 
“Awo kavazumbanesere nayinye eyi vaweka komundiro, yipo nye asi awo vana pumbwa nkenye mbatero vana kugwana yipo vatwikire kutunga nokuza komeho neparu lyawo’’ yimo ana kutanda Nghipangelwa. Nghipangelwa katente asi ehudi lyangesi kuna reta udigu morwa vantu ava vahepa kuvatwara kevango eli vana kutumbura lyadivikwa nawa asi Okatwitwi. 

Mundiro mevango eli lyanare Okatwitwi kuna ku;liretesapo morwa eruganeso maholi modoropa eyi yina kara ngesi asi ngesefa zina kara modoropa ezi. 
Age makura yiyo kahundilire vatungimo moHelao Nafidi asi vahepa kulikunga vene momunene yipo asi simpagwa sangesi sahakahoiroka hena komeho oko. Sihorokwa ngwendi sesi, mukurona godoropa simpe kahundilire vatungimo asi vahepa kulipakerera varuganene kumwe mokuvatera ava yina gumu momunene. 

‘’ Udigu unene kuzumbanesa yininke nayinuye eyi waruganena, unene momukaro ngwendi gogu, twahepa kulipakerera kumwe, kugusapo tupu malisigo getu yikare asi paupolitika, mapulkiro getu nampili nkenye eyi tupu twalizona tuvatereni vantu vetiu’’ yimo ana kutanta Nghipangelwa. Mundiro nye ogu gomoOshikango kuna kwama mundiro kaguhorokere moVenduka, WalvisBay, omu masere govantu vaNamibia korukanda rwaTwaloloka mevango lyokutunga kavavasigire kwahana mambo konyara sivike sina piti.


Nuusita Ashipala
2020-08-06 11:26:58 | 1 months ago

Be the first to post a comment...

You might also like...