Ongwediva – Vaporosi wokusika komurongo kuna vagwana kambumburu kokorona,navenye kwatunga moEenhana momukunda horowero gwaOhangwena, omu vana kara asi nawo vamwe mowo 12 vantu ava kavakere asi kuna vakona kona yitundwamo yakawiza asi kuna kara noCorona kodruha rodoropa zokomuzogo mosondaha. Vaporosi ava murongo kuna kara asi vamwe kavagwanekerere namukwawo ogu kavahorekere mosikondovike kasipwire.
Gonomvhura 49, mukadi ogu kakere asi yige kavahovere kugwana kambumburu aka modoropa zina. Mukurona govaporosi momukunda Elizabeth Sibolile kayinkondopekere asi vaporosi wokusika komuronga vana vagwana asi kuna kara nokambumburu nkera. Sibolile katente asi sivaro esi sovaporosi kuna kara vaporosi ava ruganene pomberewa zawo zonkurona moEenhana positasi sawo. Mukurona govaporosi katente asi mberewa zawo nare vanazipombere ntani awo nare vatameka kuziruganesa.
Mosondaha, mukunda gwaOhangwena kavagwene sivaro nasinye kusipakerera kuna kara ko68 ava vana gwana kambumburu aka.
Mukurona goukanguki John Hango katente mosipangero moOkongo, ngesi kuna karamu nombete hambontatu ano moEngela kuna karamu nombete 70 edi vana tura asi vantu vakakare pwavene. Hango katente asi mavango aga vatunga gokukwateramo gokukakara vantu pwavene ngesi kuna kugagazara vagatunge modoropa zaEenhana. Posiruwo nye esi, yitundwamo nayinye yomoEenhana kuna kuyituma kevango lyoko Engela kosipangero.
Evango lyopaumwene simpe kuna kuligazara hena likakareko moOshikango, ntani moEenhana modoropa omu navakatura vavaveli ava pwavene nsene asi vaveli kapi navakagwaneka mosipangero,’’ yimo ana kutanta Hango. Mukurona gendesi uhaku momukunda katente asi udigu vana kara nawo vantu kapi vana kusikisamo magano aga vana kuvatantera kuhamena kulikunga kouvera ou.
Age katente asi udigu umwe vana kara nawo vantu simpe kuna kuponga pamwe, vantu kapi vana kuyisikisamo egano lyokutanta asi vahaponga kupitakana murongo, kukwama omu zina kutanta veta. Mapongo kuna kuvhuka unene,’’ ntani kuna kukarapo vantu wovanzi unene,’’ yimo ana kutanta Hango.
–nashipala@nepc.com.na