2008-05-08Staff Report 2 MoVenduka Ministeragona goyimaliwa Tjekero Tweya katente asi panakara hepero asi veta ezi vahepa kuziwapukurura morwa kapi zina kara hena nomulyo asi vantu varugane nawa.Apa kageve efatururo lyoyimaliwa yoministeli zawo age katente asi ame kuna kuliza nava ava turapo noveta asi veta zovarugani vahepa kuziwapukurura morwa nare zakarapo vahana kuziwapukurura. Age kageve siuuyungwa esi kombongarero zanavenye.Morwa veta nye ezi elikwamo lyokupisura ava vana rugana yoyidona kapi ali zi usimbu moyirugana.Morwa mukaro nye gwangesi awo kukwata siruwo ntani kupanye vantu vahana udivi varugane yirugana yanaha asi vayidiva. Ntani kupa hena vantu vamwe vamone kanyando moyirugana yina vavhukire.Veta ezi zakarapo kapi azi gava mukumo kovarugani,ntani ava ava kwatere widi kuvatjida tupu siruwo sosisupi nye awo kuvafuta.Ewapukururo eli vahepa kulirugana siruwo seesi kapisi tundindire nsene asi tuna hara vantu varugane ntani nose tuyihafere.Age katente asi yimaliwa yina siki konomiliyuna N$800 vana yitura koMedical Aid Scheme.Pwanayina ngesi vantu vana kugwanenamo uwa kuna siki ko164 770 ano ava 71 285 venya uwa ano ava 85 732 vagwanenimo uwa ano 4 873 vakurupe ano ava 2689 varugani komberewa zovaregional kansela.Ano nomiliyuna N$23,kuna ditura vadiruganese vantu mokugendesa elikwamo lyomedical Aid.Awo vahepa kugendesa nawa elikwamo eli kukwama veta zovarugani. Tweya simpe katanterere mbongarero zanavenye asi kabinete zapulisra asi vaturepo komitiye zivatere ministeli asi yirugana eyi yahepa kuza mouta wakora.Komitiye ezi zahepa kukara nosinka asi ngapi navatara maturomo mahundiro vafute uhaku wawo.Komitiye ezi zahepa kutara asi ngendeseso kuna kuza moomu zawapera vantu kuna kugwana uwa wawo,ntani epangero nalyo kapi lina kuzumbanesa.Age simpe katente asi ministeli zendi navatara asi vaturepo elikwamo lyewa ntani vantu vahepa kugwana yikarata.Age katente asi etungo lyoWenela boader post ntaantani lipwe. Evango eli kwakara moCaprivi.Kuvhura valiture moyirugana ndi asi vatameke kuliruganesa ngesi.Nonzugo dokurara varugani komberewa zovakansela moErongo,moBaye kavamene kuditunga. Rambangako nomberewa dovakansela moKaras nado ngesi kuna kudimanesa.Nomberewa dononzi tavakaditunga koNoord oewer nokomurudi koAriams vlei naKeetmanshoop. 2008-05-08Staff Report 2
