New Era Newspaper

New Era Epaper
Icon Collap
...
Home / Ya batahala mwa pulao ya nyazi ya hae

Ya batahala mwa pulao ya nyazi ya hae

2016-10-31  Staff Report 2

Ya batahala mwa pulao ya nyazi ya hae
Windhoek Mapokola basweli kubata mwana anaha Zimbabwe kaza lifu lanyazi yahae, yo situpu sahae nesifumanwi mwa musiyo wa ndu yenebapila teni mwa Soweto. Ze nelifumanwi Lamubulo musihali, kono kuhakalezwa kuli nabulailwe musihali wa Lasunda. Sibuwabuwi wa sipokola Kauna Shikwambi na ize, mwana wa naha Zimbabwe, Raymond Rukweza u akalezwa kuli, komano ya nabile niyona ni nyazi yahae, Concelia Mwangala Limbo wa lilimo ze 34 zakupepwa ki yenetisize lifu. Rukweza uakalezwa kuli nakiyezi situpu mwandu ni kubaleha. Shikwambi ukupile mutu kaufela yana niliseli kwafumaneha Rukweza kuswala Sergeant Rauna Nghifindaka fa nombolo ye, 081-2447444 kapa kubiha fa sipokola kaufela sesili bukaufi. Kakuya kumuna ndu fenebaina ya mwamaswabi amatuna, Toini Moses, Rukweza nakutile kwandu Lamubulo kuyolonga putumende, lipoto ni Fridge mwa simbayambaya ni kuikambanga. Situpu sa Limbo nesifumanwi Lamubulo musihali bakeni sa kaunko kenesekautwahala. Balubasi lwa Moses, banangela mwa lihaulo, babona situpu sa Limbo silobezi fafasi atinile feela kanekunda. Moses ataluseza ba New Era kuli, nautwile kani mwahali a Rukweza ni nyazi yahae kwa ma 04h00 Lasunda pili mwana a naha Zimbabwe asikatongongota kale fa munyako wa hae, kukupa kukwalulelwa kuli zamaye. “Na ize, nabata kuzamaya kalibaka lakuli nakatezi lindwa ni nyazi ya hae,” Moses atalusa. Na ize, bubeli bwabona nebaile kwakuhatahata Lamukibelo mi nelikuli mobakutela kaufela kuzwa kwamipanda nebafumaneha kubanga mwakani.
2016-10-31  Staff Report 2

Tags: Khomas
Share on social media