OKESETA
Ondjakaha ndjri mokati kOmbanderu yatoorere omuhunga warwe kouvi omayuva wo masuviro ngazuko mbwa tjitire kutja oporise ya Namibia ihite pokati kovimbumba vivari mondjakaha indji pomayamberero.
Omayamberero inga yatomberwe indu omunda auhe mondjakaha indji tjiwa tiere okukara norutuu rwawo rweyuva peke kuro oruni.
Otutuu tuvari itui peke peke nawina ozombako zomunda auhe zasekamisire orunywaa tjinga ovimbumba imbi avihari kokure no kokure. Mongondjero yo kupenga ongurunguse yotutuu tuvari tu matu kayendera tjimwe, Ombara yOvambanderu Munjuku II Nguvauva wahindire omuhindua kOvanamutjemo okuveningira okuiisa otjitjitua tjao no ku kerikwamba kuwo.
Owo vapandere navetja kaveri morutuu rotjimbumba iho tjarwe. Ombameno otja tji maikurireko ovaporise mbari poruveze indui vaisanene Otjiuru tjOporise tjOrukondua okuye kuyapura.
Kombunda yombongarero kunOmbara nOtjiuru tjOvahona, Tjiundikua Kahuure, pazuvasanenwe kutja Ovanamutjemo veise otvitjitua vyawo nu veke rikwambe kotjimbumba iho tjarwe Ombara puyari amaiyandja ehungi rayo. Wina pazuvasanenwe kutja Kahuure motjito tje otjo Tjiuru Tjovahona mayakure ovimbumba, tjimakuzu ihi otjina tji tji hatjatere kotjimbumba iho tjarwe.
Kahuure nOvanamutjemo tjivaharere okuhita kehi yomutara orutuu indui orarwe purwari ama rukawondjera otja tji pazuvasanenwe, va tjaererwe. Ounepo tjiva wotjimbumba iho tjarwe nandarire wayanisire kutja mawii Ovanamutjemo tjivahiti kehi yomutara imbwi.
Pakarere omatiasanene warwe omakoto pokati kOmbara nOtjiuru Tjovahona no tjiuru tjoporise tjorukondua otjo muyapure. Oyo kanaa yatonene nu munao oporise aitjayere kutja otjitjitua ihi aha tjiryama komurungu mondero yondjeverero.
Ondjaka indji mOmbanderu yasurumuka mo 2005 orupa rumwe romuhoko tjirwa patasanisa kutja oveta indji yayakurwa kotjiveta iyo muhoko amautja ka i kayendere momirari muyasere okukaenda tjapo i ka yakurwe iyo muhoko.
Ondjakaha indji yavaza Otjombanguriro tjOkombanda koruseinina tji tja yandja oumune mondero yOvanamutjemo. Ovitjtua vyomayuva womasuviro ngazuko vye kurisire ko orutjiva pokati kovimbumba aviyevari imbi.