Festus Hamalwa
Omupopiliko wopolifi moshitukulwa shaShana Inspector Thomas Aiyambo okwa koleka oiningwnima omo ovakainhu novalumenhu, noshoyo nounona, va longelwa ominyonena dopaixulo moshitukulwa shaNgwediva.
Oibofa ei oya kwatela mo oyo tai kumwifa younona veli pokati komido heyali no-11 ovo va kwata onghonga yovanailonga vomomaumbo avo. Oiningwanima aishe itatu oya ningilwa ounona va yooloka momaumbo a yooloka momukunda Oikango No.2 mOngwediva. Ovafekelwa aveshe vatatu oveli ovakwashiwana vaAngola, ova kwatwa po.
Okwa lopotwa vali ekwatonghonga lookaana kokamati keedula 15 ka kwatwa onghonga komumati womushiinda shaye weedula 19, momafiku 15 Kotoba modoolopa mOngwediva.
Aiyambo okwa ti oumatyona ova kala ookaume. Mefiku loshiningwanima okamati oko ka ninga oshihakanwa okaufana omufekelwa opo e u ye va nangale naye keumbo lavo shaashi vati ina ke po.
Oumatyona ava ova tokelwa tava tale oTV nokonima ova ya momilele. Omufekelwa vati okwatwa po shaashi a ya momilele nokaana keli koshi yomido 16.
Oshiningwanima shikwao osha ningilwa omukainhu womido 30. Aiyambo kwa hokolola ta ti omukainhu ou okwa li ta nu omalodu, pohotela imwe mOngwediva opo a dja a ka lefa otuwa mokati koufiku ta ti kutya okwa u ka keumbo. Omukainhu vati okwa li a kolwa neenghono pefimbo opo.
Omushingi wetuwa vati okwa shinga ndele tai moshana shili popepi neendingosho dimwe mOngwediva om ova nangala oufiku aushe. Omukainhu ou vati okwa ka dimbulula ashike lwopotundi 06h00 yongula kutya okwa nangala koshipundi motuwa koshipundi, a dulwa, neekondoma dili popepi da longifwa, nomulumenhu eli naye motuwa ehe mu shi.
Omukainhu okwa ya aka patulula oshibofa kopolifi ashike manga eli koshitaashi omufekelwa okwa landula ko, te mu lombwele kutya ina patula oshimbofa shaashi vati otemu futu.
Omukainhu vati okwe shi anya, nomufekelwa okwa katwa po efiku tuu olo.
Aiyambo ta hokola vali oshiningwanima shikwao omo omulumenhu e na oudu wopamadilaadilo weedula 31 oo naye a kwatwa onghonga konguloshi pomukunda Okandongwena oufiku womafiku 25 Kotoba.
Omulumenhu ou kwali vati tava di koundingosho nomulumenhu umwe wopomukunda, oo vati eke mu pilukila po nomu mukwata keenghono manga vali mondjila.
Aiyambo okwa ti omufekelwa okushivike, ashike ina kwatwa po natango. Omakonaakono opolifi otaa twikile moibofa aishe ihamano.
– fhamalwa@nepc.ocm.na