Ominista youyuuki Yvonne Dausab okwa talela po oikutukulwa ivali yokoKavango kokoushilo nokouninginino eshi a shakeneka omalelo opamufyululwakalo novapanguli.
Elalakano letalele po okudidilika omashongo a taalelwa meemangu dokomalelo opamufyuululwakalo nokukala va kundafana nghee ta a kadulwa po.
Dausab okwa didilika yoo vali omhumbwe yovanailonga inava wana keembelewa deemangulilo damangestalata koitukulwa ivali yaKavango. Minista okwa lombwelela Kundana ta ti ombelela yaye otai lalakanene okutala nghee ovapanguli vopamufyuululwakalo hava longo ngeenge tava ungaunga noibofa momikunda davo shaashi vati okwa ti didilika omalelo opamifyuululwakalo a longo a yooloka ngeenge tava pangula ovanhu, naashi oha shi kala tashi nyenyetwa koshiwana. Okwa ti okwa yandje ouyelele wa fimana kombinga nghee eemhangu dopamifyuululwakalo tadi dana onghandangala ya kula moshiwana nokukala yoo vali a fatululila oshiwana e yooloko pokati keemangu domufyuululwakalo neemhangu depangelo.
Okwa ti opena ouyelele wa ninga efiku tau pukifa oshiwana koitukulwa yaKavango kutya vati ngeenge omunhu a pewa ehandukilo komalelo opamufyuululwakalo iha dulu vali okupangulwa komangu yopaveta.
Okwa fatululila omalelo opamufyuululwakalo noshiwana ta ti kutya ngeenge omunhu a longa oshilonga sho shimbuluma ngaashi okudipaa ile ekwatonghonga oshimbofa shaye iha shi xulile ashike komangu yopamufyuululwakalo konima ngeenge omunhu a pewa ehandukilo ndele oha shi twikile fiyo okomhangu yopaveta opo omunhu a kale a pangulwa natango.
“Etitano oda talela po elelo lopamufyuululwakalo loHamukushu omo kwali da shakena nomalelo a yooloka osho yoo ovakwashiwana va dja pomudingonoko opo tu kundafane nghee omalelo opamufyuululwakalo ta kaleke po ombili nelandulano moshiwana,” Dausab ta ti. Dausab okwa yandje ouyelele nghee omalelo e na okukala taa pangula oimbofa ya kula ngaashi oimbofa yomadipawo, nomakwatonghonga nokukwashipaleka kutya otaa pangula ovanhu pauyuuki.
Pefimbo lomutumba a ninga nomalelo opamufyuululwakalo okwa kunghulila ovatoolinghundana opo va kale tava longele kumwe ovakwashiwana vomomidingonoko ngeenge va hala okutopolafana omayelele wavo uli kombinga yomalelo opamifyuululwakalo eshi taa pangula oimbofa momikunda.
Okwa kunghulila omalelo opomifyuululwakalo opo a kaleke po eameno moshiwana nokukala ta ningile oshiwana oikonga ili kombinga yomahepekafo oukashike kookanhu nefimano lehongo.