Marythar Kambinda

KATIMA MULILO - Katengo kakabona zamikwakwa (Roads Authority neka neuzi mandu amalalu, ana ni mizuzu yemibeli, liapehelo, mwakuina bulalu cwalo, kwa mutayi walikolo la tuto mwasikiliti sa Zambezi. Mandu ao ikaba amaticele kwasikolo sa Impalila. Muzamaisi wakatengo kamikwakwa Conrad Lutombi nabulezi zeo kanako yakukwalula simubuso mukwakwa wa Impalila.

Kanako yeswana Lutombi natambekile muyaho wa limbuzi kwa khuta ye nyinyani ya Impalila, ili yewela mwakamaiso ya Khuta ya Masubia, mi ne amuhezwi ki ngambela Albius Kamwi. Ngambela wanaha John Mutorw nazaisize lineulo zeo. Katengo kamukwakwa neka neuzi hape makompiuta kufa likolo la mabasi, miseto, silelezo ni buiketo. 

Alex Sikume ili muzamaisi walikolo la tuto na amuhezi neulo ya mandu, nikutambeka linotolo kumuzmaisi wasikolo sa Impalila Sihope Sihope. Nasusuelize Sihope kubona kuli mandu abelekiswa hande nikubabalelwa kakulatelela milao ya muuso. Nabulezi hape kuli mandu aswanela kufiwa kwa babeleki mwanzila yelukela ya kamaiso.