Charles Ndeumane

ONGWEDIVA - Mwalikezo zabuputeleli, basupali bababeli bane basazibi sesin’I mwasikiliti sa Oshana neba putelezwi kimasosi bane basebelisize manombolo akwande anaha kuba uzweza mashelen’I alikana N$150 000. 

Masosi bane baipitisa kuba babeleki ba kwa panka neba konile kufumana man’usa abuntu kwa basupali mi bazwelapili kuzwisa mashelen’i ao mwalibulukelo zabona.  

Taba yapili ne ezahezi la 9 Kandao mi yana putelezwi neli musalimuhulu walilimo ze 62, mi nalatehezwi N$50 000.Kasamulaho amazazi asikai, musalimuhulu yomun’wi walilimo ze 68 mwa Ongwediva nalatehezwi N$100 000. 

Mubakweli muzamaisi wasipokola Fredrick Ndjadila, naize masosi nebasebelisize sipangaliko sa kushimbulula mashelen’I sesi zibahala ka Moon Money, ili sesina muyaho ksifumaneha, kushimbulula mashelen’i ane ba uzwize, ili kutahisa kuli kulondota mashelen’i kusike kwakonahala. 

Kuli basepiwe kibane ba uzwelizwe masosi neba kala kakupatulula litaba zabona zepatilwe zeswanasina mabizo abona kakutala nikoba fumaneha, pili basika zwelapili kubakupa litaba zen’wi kutisa kuli bakone kushimbulula mashelen’I.

Ndjadila nafile mamela kuli batu basike baikabela litaba ze ama libulukelo zabona kwa panka ni batu, kungelela cwalo ni limembala za lubasi, kakuli masosi bafumananga litaba zeo kubale babali bukaufi ni baba uzweza. 

Hana bulela hala kuekezeha kwa likezo za buputeleli, muzamaisi wasipokola mwasikiliti sa Oshana Naftal Sakaria naelelize sicaba kumamela haba leka ni kulekisa libyana sihulu famakepe akuitabisa (social media). Nahatelezi kuli kikwabutokwa kubona kuli munitifaza kuli mufumani pene pili musikafa mutu sibyana.  

Mwamamela kwa masosi, Sakaria naize mapokola bapatehile kundongwama bao babana ni milelo ya kuputelela batu, mi nasepisize kuli nako haifita baka swaliwa.