Ombuaneno mo Swanu ngunda ma i yepa yepa ovanane vevari mberi kohonga yombitasaneno, Evaristus Kaaronda na Charles Katjivirue tjinga nambano ava haka kutja ngu ma hongorerepo ondjira komurungu mo ku rongerisa ombongarero onene yapeke yotjira oune pokati kwao vaeyevari.

Ndjiri onḓuvasaneno nambano oyo ndjarire wina era rotjombonganguriro tjinga ovanane aveyevari imba otjiposa tji tja haamene ava suvasanene okuhungira kumue no kuiisako otjiposa ihi kotjombanguriro kutja ondjira iseruke ndji ma ituara kombongarero onene yap eke. 

Pu na pe hee kokutja ndoovazu nambano inga ongarire omazuvasaneno kutja pekare ombongarero onene yapeke harukuru tjimanga, pasere oku kara omarongerisiro. Pomarongerisiro inga opu pee kuhaka ovanane aveyevari imba tji va zire no ku hakayena otja konduvasneno ndjarire era rotjombanguriro kutja vasere okuya pamue oku tanda ondjira komrungu ko ku yenda kombongarero ya oene yapeke. 

Kehi yonḓuvasaneno yokutja ndoovazu ma peso oku haama ombongarero onene yapeke yotjira okutja inÿa nai nḓa haama nḓariko ozondiero zazo kazena kuuhara ama zekara nomasa poo no ma heya kaaṋi poo karive. 

Posi ya okoukutja hapo nai omutue wondanga mezuko oune? 

Ounane mburipo nai wa Kaaronda poo owombo wa Katjivirue? Poo onawa nu ndja tja rira ingaro ombua no  maunguriro omawa owo aveyevari oku zuvasana kokomiti yapeke orikuramene ndji hina omunda oku sembamisa ombongarero indji? Imba nambao opu pa sirirua omunda  auna oumune wawo. 

Kaaronda pa utire okuhinda omaṋangero kotutavi peke peke two tjira kombongarero onene yapeke ndji ja iso oku karako. Otjo tji tjee kurira otjikumise ku Katjivirue. 

Otja tji ma petjiukua nai Oswanu yatauka motupa tuvari.  

Ohaṋi ape nai ndja hingi ozombura ndatu okuza ko 2021. Na iyeta kokutja nandarire mOmbongarero Onene, ndji tjiukua otjo Congressa ndjari mOkahandja mo 2022 mo ma yandero wa Kozonjanga no ma utiro wa Kambundu itoorere Kaaronda otjOperesidenda oku yarukira po Onongo Tangeni Iijambo. 

Ngunda orupau indo ruarue komurungu wa nao aruari na ndja ruiisana wina otjo Mbongarere Onene yApeke mu Katjose mo 2021 pu rua zikira Charles Katjivirue, otjOperesidenda yaro.