Omukainhu e na oulema womesho okwa kengelelwa eshi a tulwa mokatoo komukainhu mukwao ndele ta kanifa oshimaliwa shaye sha kufwa kombaanga Osoondaxa efimbo lomutenya koRehoboth.
Omupopiliko wopolifi moshitukulwa shaHardap inspector Linea Heita okwa hokolola ta ti omukainhu okwa dengelwa ongodi komufekelwa womukainhu te mulombwele kutya okwa findana omaano okudja koMTC ashike vati okwa pumbwa nee onomola yombaanga yaxe opo a tule ko oshimaliwa shaye eshi a findana.
Omufekelwa okwa pula vali omukainhu ta ti natume opin (onomola yomeholeke yokomavalulilo ombaanga) yaye oyo ha longifa kongodi yaye yopeke.
Okwa ti omukainhu okwa lombwela omufekelwa ta ti kutya kena sha omavalulilo ombaanga ashike ota dula okutuma axe.
Opolifi oya ti konima eshi omukainhu a yandje eenomola dombaanga yaxe komufekelwa, opo pita ashike ominute di shona shoo oshimaliwa shi fike N$880.00 osha lopota sha dja kombaanga yaxe.
Vati konima eike yominute mbali natango okwa lopota eshi kwa dja oshimaliwa N$3990.00.
Okudja opo xee okwa ya kombaanga meendelelo opo a ka lopotele ombaanga kombinga yoshikumungu eshi.
Vati xe eshi a fika okwa lombwelwa kutya oshimaliwa osha kufwa ko komunhu e na okukala eshi eenomola dombaanga yaye yokongodi.
Omushamane vati okwa shuna keumbo a ka pula ngeenge okaana kaye oka yandje eenomola
dombaanga komunhu.
Opolifi oya ti kape na omunhu a kwatwa po, nomakonakono opolifi otaa twikile.
Opolifi oya kunghulila oshiwana opo shixulife po okukala tashi yandje eenomola deembaanga kovanhu shaashi oshanyika oshiponga neenghono.
– fhamalwa@nepc.com.na