Opolifi moshitukulwa shaHardap otai indile moshiwana kukeshe ou e na ouyelele medipawo lomunambelewa wopolifi weedula 35, Talamondjila Petrus, a shiivika nawa Shiponga Tala.
Petrus okwa kala ha longo mopolifi modoolopa yaMariental, moshitukulwa shaHardap.
Omupopiliko wopolifi moshitukulwa shaHardap inspector Linea Heita okwa hokolola ta ti Petrus okwa li eli nookaume kaye momafiku 17 Anguste tava nu omalodu modoolopa moMariental efimbo lokomatango. Okwa ti efiku olo Petrus kwa li eli nookaume kaye omo elixulwa okumonika, ashike opolifi ka kwali yalopotelwa manga shaashi ovanhu okwa li tava ti pamwe okuna a pa a ka talela po. Heita okwa popya ta ti omafiku 20 Aunguste opolifi oya lopotelwa kutya Petrus ke wetike kutya okuli peni, omo opolifi ya tameka okumukonga ashike ina monika nande.
Opolifi oya ti momafiku 21 Anguste, Olomakaya olutu laPetrus ole li tuwa ponhee yokunwefa omaholi ili modoolopa yaMariental efimbo longula.
Petrus okwe li tuwa ponhele opo a fya, e na oipute kolutu, a dengwa moshipala shaye, nomaulu a teka.
Heita okwa ti Petrus okuna okukala a dipawo ashike, shaashi okwa hangika omona oixuna kolutu e na oipute.
Okwa ti olutu la Petrus ola hangika litalala tali u like kutya opo ladi mokila yokutalaleka.
Opolifi eshi ya ninga omakonakono okwau lika kutya Petrus okwa dengwa fiyo omefyo ndele olutu laye tali tuwa mokila shaashi okwa hangika olutu laye litalala mbombo.
“Ku kushe ou e na ouyelele womondjila kombinga yedipawo laPetrus ota ka pewa olupandu loshimaliwa N$20 000,” Heita ta ti.
Heita okwa ti ku keshe ou e na ouyelele medipawo laPetrus nakwatafane naye konomola yongodi 0812342767 ile oshiwana shilopotele opolifi keshe moshilongo.