Omupopiliko wopolifi yaNamibia Deputy Commissioner Kauna Shikwambi okwa koleka kutya opolifi oya kwata po ovafekelwa vavali mekwatafano nefyo lomumenhu a hangika a fila mokila yokutalelaka omalodu mondingosho.
Shikwambi okwa ti omufekelwa weedula 22, namukwawo womido 35 ovakwatwa po Etitatu moWindheok efimbo lomutenya nova ka holoka momangu onghela. Okwa ti nakufya okwa tongolwa kutya oye Levi Kondjeni Paulus weedula 22 omukwashiwana waAngola.
Okwa ti opolifi otai indile moshiwana kwau e na ouyelele welixwa po kombinga yefyo lomumenhu ou opo a kwatafane nopolifi komola yongodi 0812508469.
Olutu laPaulus ole li tuwa li li mokila yokutalelaka omaludo, ya dima mondingosho ili poHerero Mall moWindhoek Osoondaxa efimbo. Paulus ota ku hokololwa kutya okwe li xulwa okumonika Etitano efimbo lokonguloshi kumumwainamati, pondingosho yedina Okamuinyo opo kwali ha longo yee opo ali ha nangala.
Vati efiku tuu olo konguloshi Paulus okwa nangala oyeke mondingosho, omanga vamwainamati vatatu vaka nangala pondingosho ili popepi nai kwa li mwa nangala makufya.
Omulumenhu ou kali a monika Olomakaya fiyo Osoondaxa. Ovanhu ova tameka oku limbililwa unene shaashi ka kwali veshi kutya okuli peni. Olutu laye ole ke li tuwa mokila ya dima, la ninga nai.
Shikwambi ta ti omakonakono opolifi nghee nga ta twikile.