Ovanafikola vatatu vokoshipudilo shopombada shaUnam koWindhoek ova kufwa mofikola pakafimbo konima eshi vati va kwata omunafikola mukwao onghonga oshihangakena.
Oshiningwanima eshi vati osha ningwa omwedi wadja ko koundjuwo veli komuhandjo wovamati moUnam, efimbo loufiku.
Omufikola ou vati okwa li yoo a dengwa kovafekelwa. Okwa li a twalwa koshipangelo shaKatutura konima yoshiningwanima, opo a ka mone epango lopaunamiti noku ningilwa omakonakono.
Omupopiliko waUnam John Haufiku omukainhu ou a ninga oshihakwana shomunyonena ou, okwa lopota oshibofa eshi kopolifi nokwa dja mo momuhandjo wofikola konima yoshiningwanima.
Haufiku ta ti ekwatonghonga oshinima shii unene shaashi otashi fifa ohoni ovanhu mofikola nomomidingonoko.
Okwa ti paife omukainhu ou okwa ya keumbo lavo moWindhoek opo a ka kale eli melifiloshisho lovakulunhu vaye, omo paife ta mono exungmwenyo.
Okwa ti oshiputudilo osha ninga onghendambala opo shi kale nasho sha yandja exungumwenyo komunafikola ou pefimbo a li moshipangelo.
Haufiku okwa ti omakonakono omunafikola a kwatwa onghonga otaa ka kala a yooloka komakonakono a vakwao molwoo onghalo omo eli paife.
Okwa yelifa ta ti ovafekelwa inava kwatwa po fiyo opapa ashike oveli tava pulwa pulwa kopolifi.
Haufiku okwa ti Unam otaka eta po omalunduluko opo a kaleke po eameno lawana lovanafikola efimbo keshe nokukelela oimbuluma ngaashi omadipao noumbudi.
Okwa ti ovanafikola nava kale tava lopotela ombelewa ngeenge veli hanga veli monghalo yokuningilwa ominyonena kovanafikola vakwao.
Haufiku okwa ti Unam ota tula po omangambeko ovanhu tava di kondje yoshipundilo ngeenge tave u ya okutalela po opo kukelelwe ovanafikola vaha ninge oihakanwa.
Okwa ti omakonakono opolifi ota twikile.