Opolifi moshitukulwa shaMusati oya koleka omafyo ovalumenhu vavali, umwe omukulupe va fya eshi veli kufa eemwenyo Etitano efimbo longula.
Oonakufya ova tongolwa ovo Mbambi Hilimbikilwa weedula 69 omukulimo womukunda Eengwena naSilvanus Kuudhigililwa weedula 51 omukalimo womomukunda Ongozi.
Omukonakoni woimbuluma wopolifi mOmusati omupedu Commissioner Simaho Moses okwa hokolola ta ti omukulupe Hilimbikilwa okwe li tuwa kumushiinda shaye eli meemhango momuti uli mepya laye a fya eshi elimangeleka potundi 07h00.
Opolifi oya ti nakufya ina fiya po omukunda tau yandje ouyelele kombinga yefyo laye ashike vati nakufya okwe li xulwa okumonika Etine efimbo lokonguloshi kovaneumbo vaye.
Olutu laye ola twalwa kokila yopolifi yaKahao.
Lopokati opo opolifi oya hokolola tai ti omulumenhu mukwao okwa fya eshi a hangika komuneumbo waye eli meemango monduda yaye yokunangala meumbo laye potundi 06h30.
Kuudhigililwa ina fiya po omukanda tau yandje ouyelele kombinga yefyo laye.
Omakonakono opolifi ota twikile kombinga yomalingeleko aa vali avo.
Opolifi oya kunghulila oshiwana opo shi kala tashi ka konga omakwafo kovaxungimwenyo, kovafitaongalo ile kovakwapata vavo ngeenge sheli hanga tashi hepekwa komadilaadilo.