“Kalunga neku yambeke mumati gwandje –onda ningi omimvo 10 te kokaya, kaandi wete ko. Ashike nena ondi wete ko.”
Aa omatumbulo omukulupe Elina Nehale a dja komukunda Omandongo mOshitukulwa shaShikoto, oo ali ita dulu oku holeka ehafo laye eshi a mona ko vali konima yomido 10.
Nehale oo a li ta popi, ta kuwilile, yee ta kaluka, noku papatele ndohotola oo e mu tanda, oumwe womovakulupe ovo va twikululwa koondhotola Ovanamibia, vatatu, tava ningi oshikonga shoshali oku tanda omesho ovakulupe.
Osheendo sheendohotola eshi sha kwatelwa komesho komundohotola a shivika nawa Helena Ndume oshe shi pondola oku monifa ko ovakulupe veli 360 kOnandjokwe. Eendohotola odo da longa pamwe naNdume odo Dr. John ‘One Phillips” Haipinge naErnst van der Merwe
“Paife ohandi ka longa oilonga yange yomeumbo nda manguluka ngaashi okutenda eengongo, okuyenga, okukola okutunga oimbale nosho tuu oilonga ikwao ya yooloka,” Nehale ta ti.
Nehale okwa ti paife omesho aye ayeshe okuweteko nawa, yee ta weda po ta ti okwa pandula Kalunga nosho yo ovayakuli aveshe moshipangelo eshi aishe ya enda nawa pefimbo kwali ta tandwa.
Shito osheendo sha Ndume oha waiminwa keendohotola tadi di kondje yomafuta, ashike eshi osho oshikando shotete, eendhotola dOvanamibia deli kwatela ko, nope he na omakwafo eendohotola da dja koilongo imwe.
Omukulunhuwiliki woshipangelo shaNandjokwe Dr. Akutu Munyika okwa ta ti oshipangelo shaNandjokwe osho shimwe hashi hakula omwaalu wovanhu vahapu konooli efiku keshe.
Munyika okwa ti okwa pandula unene ovanailonga voundjowelele aveshe va kala tava ungaunga noshikonga shomesho, tava longo pamwe neendokotola odo deli yambela ovakulupe.
Ta ti Onandjwokwe oshipangelo shi holike kuvahapu shaashi ohashi yandje ouhaku muwa.
Munyika ta udaneke kutya oshipangelo shavo otashi twikile nokukala tambula ko, oshoyo oku yambidida oikonga yoludi olo.
Moshipopiwa shaye ngoloneya woshitukulwa shaShikoto Penda ya Ndakolo okwa ta ti okwa pandula unene ewiliko loshipangelo shaNandjokwe osho yoo ounimisteli wouhaku eshi va tambula ko oshikonga osho.
Okwa ti epangelo otali lalakanene okukaleka po oshiwana shi mone ouhaku welixwa po nokukwashipaleka kutya moipangelo aishe omuna oikwafifo ya wana novanailonga voundjolowelele. –fhamalwa@nepc.com.na