ONGWEDIVA – Mapokola mwasikiliti sa Oshana basweli kubatisisa taba yabusholi kakusebelisa bupumi, kasamulaho musupali ukulubelwa kuli naputelezwi masheleñi alikana N$116 000 kiñaka. Kezo yeo ne ezahezi la 30 Kandao 2023 mwa Oshakati, kono nebihilwe feela kwa mapokola viki yefelile. New Era iutwisisa kuli yana putelezwi nakwalisize muzeko kasamulaho ñaka namukutiselize N$80 000. Ñaka yabulelwa uzibahala hahulu kakubeya maswaniso abakuli bahae bamakepe asicaba, kubea batu babamulumba kalikalafo “zahae zende”.

Cwalecwale nakile abonahala kupateha famakepe asicaba, anze ababaza makepe kuli “kiñaka yafumisa batu” kakufa masheleñi kubabashebile. Kono habeingi siswaniso sahae famakepe. Yomuhulu wasipokola mwasikiliti sa Oshana Naftal Sakaria naize mubilaeli, muyahi wamunzi wa Onambele mwasikiliti sa Oshikoto, nakupa tuso yakufolisa mwana ‘hae yakula butuku bwa kutakana, kono ñaka aswalela musali yo butuku.

“Sapili nebalumelelani kuli alife N$400 yakubonana ni ñaka ni N$8000 yaku alafa mwana ‘hae wamushimani,” nekubulezi Sakaria. Kanako yalikalafo ñaka ubulelwa kuli salilimana, nikubulela kuli nafumani pono yakuli mahe mushimani wakula mi nana ni kualafiwa. Ñaka ubulelwa kuli naize musali nana ni linoha mwamba, mi tifo yakuli zwisa neli N$100 000. Kihaya kuyo zwisa masheleñi kwapanka nikutofa Ñaka. Mualafi yo ubulelwa kuli nabafile mulyani ni kubalukulula. Kasamulaho akuyo nahanisisa musali alemuha kuli naputelezwi mi ayo biha taba kwamapokola.

Ñaka yabulelwa naitumelezi kuli nafilwe masheleñi kumusali wamusupali, kono ubulela kuli neli N$108 000 isiñi N$116 000 mone kubihezwi kwamapokola. Naize musali namufile masheleñi kusina kapelezo. “Kasamulaho aku alafa mwana ‘hae, nani bulelezi kuli niyena nakula, mi hanina kubulela zangambolo yaluna. Sanifa N$100 000 yatifo yene nisika mukupa,” nekubulezi ñaka. “Ni ñaka yazibahala mwanha mo. Hani puteleli batu,” nabulezi. Viki yefelile mapokola mwasikiliti sa Oshana nebabile ni mukopano ni sicaba mwasilalanda sa Uudhiya kuyo kandeka taba ya liñaka ni babuleli babaputelela sicaba.