!GOMENǁGAMS – Namibiab Huri-ammi !Naoǁhôas (Namport) tsî Antwerp-Bruges hîa Belgiumi dis hâra ge ǁîra !gaeǁares !nâ-ū dana!khaidi ǁNâuguxoaǁguib Xoa!gaos 2022 !nâ ge dīhes dide go gaiǀgai. Namports di Dana Sîsenǂuira Mâisab, Andrew Kanimeb gere mîsa !pa kha ge ǁîb tsî Belgiumi di Dana Sîsenǂuira mâisab, Jacques Vendermeiren hâkha ǀgaugu tsî ǂgaoǀkhādi nē ǁnâuguxoaǁguib dide ǂoa ge wekheb di Donertaxtsēs ai !Gomenǁgams !nâ ge ǁguiǂui.
ǀNîn hîa a !khōǂgāsan ge !naoǁhôade omkhâis, taniǁkhāsib ǀgaiǀgais tsî enerxiba tani!kharus hân khami.
Kanimeb ra mîsa !oab ge ǁnâuguxoaǁguiba Namibiaba hoa !hūbaisi ǀnûgus !nâ ai!hūb ai kurus ǂnamipeba sâus !aroma ra mâi ǁîb ǂâisa nēsi green hydrogen-i ra mâi amaga.
“Namports ge gaxu ǁaeba nî !khoe ǁgūbade ǂâi!nâǁguihâ hîa nēsin ra dīǀgauba xu ǁî-aitsama mâbasen ǂnûiǂgādi tsîna !naoǁhôas !âb !nâ !khōǂgās ǀgaub ǁga dawasa.
ǁNā-amagas ge Antwerp-Bruges Internationals ǀkha hâ ǁnâuguxoaǁguiba buruxa !ēs nē daoba saos disa ra mā, ǁîs ǀnai gaxuse ǁnā dīǀgauba ra sîsenū amaga,” tib ge ge mî.
ǁKhāti kha ge nē !hūkha ǁnâugub !nâ-ū kai !hū!âsa !Gomenǁgams huri-ammi !naoǁhôas di ǀawas ǀkhāb ai ge ǀnōǂui enerxib tsî ǂharugub !ân !nâ ǀgpraǂgā tsî aitsama mâbasen ǂnûiǂgādi ai gaxu ǁaeba nî !khōǂgā ǀkhuwis ai māǂuis ǂâibasens ai.
Antwerp-Bruges !naoǁhôas ge ǁîs hoan xa a kai !naoǁhôadi di ǀguisa hoa !hūbaib ai tsî 270 miljuns xa a !nāsa tongu di xūna Europaba xu !hūbaib a ǂhabase ra ǂgâxa-ū ka ǂoa-ūse.
Belgiumi di Dana Sîsenǂuira mâisab, Jacques Vendermeireni ge hoana !khō!gâ tsî ge mî, kaise i a ǂhâbasa !khaisa Antwerp-Bruges nî ǀgaisase Namportsa !khōǁnôa tsî mâxōǀkhā !khaisa ǁîn di ǁgūtsâdi !nâ.
“Tita ge xū-i nî dīhe tsî ǁgūbasa sī!nâhe !khais !nâ ra ǂgom khoeta tsî amaba mîs ain ge !naoǁhôadi ǂgaeǂgui-aon tsî aitsama mâbasen ǂnûiǂgādi tsîna a dī-ao.
ǁKhāti ra ge nē !naoǁhôara ǁnâuguxoaǁguiba ǀhûǁarebese Belgiumi di CMB Techs hîa hydrogen-i !nâ a ǂansabes ǀkhas tsîna ge xoa!gao, ǂguro !nās ase Afrikab !aroma nî I, green hydrogen ǀgaib ǀkha nî !khoe ǂgausa kurus !aroma. – Nampa