Ouhonapare wOvambazu yOherero mau tja ohoromende ngai rambe onganda indji oHeadspring Investment nau yandja oruvara kOministera yOtutumbo nOvikunwa, Omeva nOmatungurururiro wEhi, Calle Schlettwein, ndja nanununa ousemba wokuhoza ovize vyomehi mozondendera zaTjomatanga.  

Ouhonapare kehi yOmbara Otjitambi Onongo Mutjinde Katjiua, oouhonapare wombazu outenga okuraisa onyengo yawo nokurikwamba kotutu pekepeke mu mu na otutu twovaÞuta monyengo komapahero wourana mOmaheke. Pombongarero yozombuze Oritjatatu nda zu ko mOtjomuise pu nEhika rOvanane vOmbazu yOvakwena noviwaøa vyovature novaÞuta va Stamprieta mbe nongendo nongoporo ndji morutuu kozombuze ndu maru tja: ™Tu noumune kutja ma rire okuhinomerizirira tjinene nu wina okuhinongengezero nomasa eÞe okuhaama uriri nokutarera nokuyandjera omasesuriro wongoporo nga In-Sutu okutjitwa mozondendera inÿa ngunda ape noviyarise ovikahu mbi mavi yeta oumba kovandu, ovinamuinyo, oruhapo nomeva wokehi yehi.∫ 

Ondira tjinene i ri pokutja omuano womasesuriro wourana mbwi ™In-Situ∫ mape ya au twa mo ouanga momeva wokehi yehi.

™Okutjiyandjera maku sana nokurizepera owina oveni norutanga rworuyaveze, nu mena rokutja tu haøasana omeva ku noviwaøa varwe (Otjauana, South Africa, na nao), katu nokuripura kutja twa sere okuyandjera ongoporo ndji eÞe oveni kourike wetu.∫  

Orutu rwovaÞuta va Mongua, Aminuis Farmers Association (AFA) novature va Kahiokaapa ombura ndja zu ko va tjangera ku Schlettwein naru vanga okuzuva mu ye kutja tjii hapo onganda ndjo nai tji ya uta notjiungura hi i nousemba wauøe ovo ave hi ya rora okutjivisiwa nokuzemburukwa. 

Pendje na nao onganda otjingeyo ya kara notukosi okupoporora otjiwaøa okuyandjera otjiungura hi. 

Tjimuna okukahongisa omitanda okuza morukondwa rwa Maheke momihunga mbya tjama notjiungura tjayo tjozongoporo.