Charles Ndeumane

Aa z a y i z a y i y amw e moshitopolwa shaShana a n uw a oy a h a l a okwiishangitha ya mone uukalata womahogololo opo ya kuthe ombinga momahogololo gopaupresidente gaNamibia.

Omukuluntu gwomahogololo moshitopolwa shaShana Amon Haimbangu okwa lombwele Kundana pethimbo lyoonkundathana kutya aazayizayi yamwe moshitopolwa shaShana otaya yi komahala gokwi i shangi tha uuka l at a womahogololo ya hala okwi ishangitha opo ya hogololele.

Haimbangu okwa ti oyendji yomaazayizayi mboka oomboka ye na omikanda dhokukalelela moNamibia, ashike oya shunithwa ko oshoka omahogololo ngaka ogAanamibia ashike.

“Omaishangitho moshitopolwa shaShana oga tamekele taga ende kashona molwa omashongo gopaungomba, ashike mongashingeyi otaga ende nawa lela, omwaalu gwaaishangithi mesiku otagu tengenekelwa lwopo2 000, nomwaalu gwaamboka yiishangitha nale ota gu tengekelwa lwopaantu o19 000,” osho Haimangu a ti.

Haimbangu okwa ti itapu ka ningwa we omaishangitho ga gwedhwa po konima yaangaka, onkene ota indile aantu ayehe mboka ya hala okukutha ombinga momahogololo gopaupelestende oshowo gomaleloshopaliamende ya longithe ompito ndjika ya ishangithe manga pu na ethimbo, yo taya faalele omikanda dhomondjila.

Moshitopolwa shaShikoto, omukuluntu gwomahogololo Ester Hipangelwa okwa lombwele Kundana kutya omwaalu gwaanyasha taya ishangitha uukalata womahogolo moshitopolwa onkene gwa uka pombanda, nomwaalu gwaamboka yi ishangitha nale otagu tengenekelwa lwopo26 000, noyendji yomaaishangithi aanyasha, unene tuu miikandjohogololo nomoondoolopa.

Hipangelwa okwa ti aakokele nayo otayi ishangitha nawa ashike oshinima oshiwanawa okumona aanyasha yomoshitopolwa ta ulike ehalo lyokukutha ombinga momahogololo opo ya ninge elunduluko moshilongo, naamboka taya ka hogolola lwoshikando shotango nayo otaye ya momwaalu omunene.

“Moshitopolwa otu na mo aalongi mboka taya longo aantu ya tseye iipumbiwa ngele tashi ya kokwiishangitha uukalata woma h o g o l o l o, os h owo aahwahwameki ta ya hwahwameke aanyasha opo ya ka hogolole ngele ethimbo lyomahogololo lya thiki, oshowo oku ya longa esimano lyoku hogolola”.

“Otandi indile ayehe mboka ya hala oku ishangitha uukalata womahogololo ye shi ninge manga pu na ethimbo lyagwana opo kaaya ka matuke komunute gwahugunina,”osho Hipangelwa a popi ngaaka.

-mrndeumaneraycharles@gmail. com